ပြည်တွင်းသတင်း — ရန်ကုန်၊ ဇွန် ၂ဝ၊ ၂ဝ၁၂

မြန်မာနိုင်ငံ၌ စတုတ္ထအကြိမ်မြောက် ကျင်းပမည့် ကိုရီးယားဘာသာ အရည်အချင်းစစ် စာမေးပွဲကို ဇူလိုင်လ ၁ ရက်တွင် ရန်ကုန်မြို့၊ ရွှေပြည်သာမြို့နယ်၊ ရန်ကုန် ကွန်ပျူတာတက္ကသိုလ် (U.C.S.Y) ၌ ဖြေဆိုရမည် ဖြစ်ကြောင်း အစိုးရပြည်ပ အလုပ်အကိုင်ရှာဖွေရေး အေဂျင်စီမှ တာဝန်ရှိသူ တစ်ဦးက မြန်မာအင်ဒီပဲန်ဒင့်သို့ ပြောသည်။

အဆိုပါ  စာမေးပွဲဖြေဆိုမည့်နေ့တွင် ဖြေဆိုသူတစ်ဦးချင်းစီအား စာမေးပွဲမေးခွန်းတစ်စုံနှင့် လျှောက်ထားသူ၏ အမည်၊ မွေးသက္ကရာဇ်၊ စာမေးပွဲခုံနံပါတ်ပါရှိသော အဖြေလွှာများကို ဖြန့်ဝေပေးရာ၌ လျှောက်ထားသူသည် စာမေးပွဲမဖြေဆိုမီ အဖြေလွှာပေါ်တွင် ပုံနှိပ်ထားသော မိမိ၏ အမည်၊ မွေးသက္ကရာဇ်၊ စာမေးပွဲခုံနံပါတ် တို့ကို စစ်ဆေးရမည် ဖြစ်ကြောင်း၊ ယင်း အဖြေလွှာပေါ်၌ ဖြည့်သွင်းထားသော အချက်အလက်များသည် မိမိ၏  နိုင်ငံကူးလက်မှတ်တွင် ပါရှိသည့် အချက်အလက်များနှင့် ကွဲလွဲပါက တစ်ပါတည်း ပြင်ဆင်ပေးရမည်    ဖြစ်ပြီး နောင်တွင် စာမေးပွဲအောင်လက်မှတ် အချက်အလက်များ ကွဲလွဲမှုကြောင့် ပေါ်ပေါက်လာမည့် အခက်အခဲများအား တာဝန်ယူဆောင်ရွက်ပေးမည် မဟုတ်ကြောင်း အသိပေးထားသည်ဟု ဆိုသည်။

အရည်အချင်းစစ် စာမေးပွဲ ဖြေဆိုရမည့် ရန်ကုန် ကွန်ပျူတာ တက္ကသိုလ်(လှော်ကား) (Photo:www.photos.greatmyanmar.com)

အရည်အချင်းစစ် စာမေးပွဲ ဖြေဆိုရမည့် ရန်ကုန် ကွန်ပျူတာ တက္ကသိုလ်(လှော်ကား) (Photo:www.photos.greatmyanmar.com)

ဖြေဆိုသူတစ်ဦးလျှင် အဖြေလွှာတစ်စောင်သာ ထုတ်ပေးမည်ဖြစ်ပြီး အဖြေလွှာပေါ်တွင် အနက်ရောင် ကွန်ပျူတာဘော့လ်ပင် (Felt Tip Pen) သို့မဟုတ် အနက်ရောင် ဘော့လ်ပင်ကိုသာ သုံးရမည်ဖြစ်ရာ စာမေးပွဲ ဖြေဆိုသူသည် ယင်းအဖြေလွှာပေါ်၌ ပြင်ဆင်ခြင်း၊ ဖျက်ခြင်းများ ပြုလုပ်မိ၍သော်လည်းကောင်း၊ ခဲတံနှင့် အခြားသော ဘော့လ်ပင်အရောင်များကို သုံးမိခြင်းကြောင့်သော်လည်းကောင်း၊ အဆိုပါ အဖြေလွှာများအား မှားယွင်းသော အဖြေလွှာအဖြစ် သတ်မှတ်သွားမည်ဖြစ်ကြောင်း ယင်းကပြောသည်။

အဆိုပါ စည်းကမ်းများအရ စာမေးပွဲဖြေဆိုသူသည် စာမေးပွဲဖြေဆိုချိန် မပြီးမီ ယင်းခန်းမအတွင်းမှ ထွက်ခွာခြင်းနှင့် သန့်စင်ခန်း သွားခြင်းတို့အား ခွင့်ပြုမည်မဟုတ်ကြောင်း၊ ယင်းတို့အပြင် လက်ကိုင်တယ်လီဖုန်း များ၊ အခြားသော လျှပ်စစ်သုံးကိရိယာများအား စာမေးပွဲဖြေဆိုရာသို့ ယူဆောင်လာခွင့် မရှိကြောင်း၊ အဆိုပါပစ္စည်းများ အသုံးပြုခြင်း၊ ယူဆောင်လာခြင်းတို့ကို စစ်ဆေးတွေ့ရှိပါက လိမ်လည်ဖြေဆိုသူဟု သတ်မှတ်ပြီး စာမေးပွဲဖြေဆိုမှုအား ရပ်ဆိုင်း၍ ကိုရီးယားဘာသာ အရည်အချင်းစစ် စာမေးပွဲဖြေဆိုခွင့်အား ၂နှစ် ပိတ်ခံရမည်ဖြစ်ကြောင်း၊ စာမေးပွဲဖြေဆိုရာတွင် အမျိုးသားယဉ်ကျေးမှုနှင့်အညီ ဝတ်စားဆင်ယင်ရမည် ဖြစ်ကြောင်း ယင်းက ထပ်မံပြောသည်။

စတုတ္ထအကြိမ်မြောက် ဖြေဆိုမည့် ကိုရီးယားဘာသာ အရည်အချင်း စစ်စာမေးပွဲတွင် လယ်ယာစိုက်ပျိုးရေးနှင့်    မွေးမြူရေးလုပ်ငန်း၌ အောင်မြင် သူဦးရေ ၂၄ဝဝ ဦးခန့်လည်းကောင်း၊ ဆောက်လုပ်ရေးလုပ်ငန်းအတွက် အောင်မြင်သူ ဦးရေ ၉ဝဝ ဦးခန့်လည်းကောင်း၊ ခန့်မှန်းထားရှိရာ အဆိုပါ အရေအတွက်သည် စာမေးပွဲ အောင်မြင်သည့် အမှတ်စာရင်းအပေါ်မူတည်၍ ပြောင်းလဲမှုရှိနိုင်ကြောင်း၊ ယခင် ပထမအကြိမ်မှ တတိယအကြိမ်ထိ ကိုရီးယား အရည်အချင်းစစ် စာမေးပွဲဖြေဆိုရာ၌ ဖြေဆိုသူ သင်တန်းသား ဦးရေပေါ်မူတည်၍ ရန်ကုန်ကွန်ပျူတာတက္ကသိုလ်၊ ရန်ကုန်အရှေ့ပိုင်း တက္ကသိုလ်၊ လှိုင်သာယာတက္ကသိုလ်၊ လှိုင်တက္ကသိုလ် စသဖြင့် နေရာဌာနအလိုက် ဖြေဆိုခဲ့ကြောင်း သိရသည်။

ဝ၁၅

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*