ပြည်တွင်းသတင်း — ရန်ကုန်၊ မတ် ၈၊ ၂ဝ၁၃
Cisco နည်းပညာသင်တန်းကျောင်း လာရောက်ဖွင့်လှစ်မည်ဟု USAIDအဖွဲ့ ပြောကြားခဲ့သည်

Cisco နည်းပညာသင်တန်းကျောင်း လာရောက်ဖွင့်လှစ်မည်ဟု USAIDအဖွဲ့ ပြောကြားခဲ့သည်

ဆစ္စကို စစ္စတမ်ကုမ္ပဏီ (Cisco Systems CSCO) သည် ကမ္ဘာပေါ်တွင် အဆက်အသွယ် အနည်းဆုံးနိုင်ငံ တစ်ခုဖြစ်သော မြန်မာနိုင်ငံသို့ စတင်ဝင်ရောက် လာသော ကမ္ဘာ့ နည်းပညာ ကုမ္ပဏီကြီး အနေဖြင့် ကွန်ရက် သင်တန်းကျောင်း ၂ ခု တည်ထောင်ရန် စီစဉ်ထားကြောင်း ကြာသပတေးနေ့က ထုတ်ပြန်ကြေညာခဲ့သည်။

အဆိုပါ ကြေညာချက်မှာ အမေရိကန် ပြည်ထောင်စု နိုင်ငံတကာ ဖွံ့ဖြိုးရေးအေဂျင်စီ (USAID) မှ ကမကထ ပြုလုပ်သော ဆစ္စကို၊ ဂူဂဲ(လ) (Google)၊ အိပ်(ချ)ပီ (HP)၊ အင်တဲ (လ) (Intel Intc) နှင့် မိုက်ကရိုဆော့ (ဖ)(Microsoft) တို့ ပါဝင်သည့် အမှုဆောင် ကိုယ်စားလှယ်အဖွဲ့၏ မြန်မာနိုင်ငံ ခရီးစဉ်အပြီးတွင် ထွက်ပေါ်လာ ခြင်းဖြစ်သည်။ ထိုနည်းပညာ ကွန်ရက် သင်တန်းကျောင်းများကို Networking Academies ဟုခေါ်ပြီး ဒေသခံ များကို နည်းပညာ စွမ်းရည်များ သင်ကြားပေးရန် ရည်ရွယ်သည်။

မြန်မာနိုင်ငံတွင် ဆဲ(လ)ဖုန်း အသုံးပြုမှုမှာ မြောက်ကိုရီးယားနိုင်ငံထက် နိမ့်ကျနေသေးသည်ဟု အေပီ သတင်း ဌာနက ဆိုသည်။ အဓိက အကြောင်းမှာ ဆင်(မ)ကဒ် (SIM) ဈေးနှုန်းကြီးမြင့်မှုကြောင့်ဖြစ်ပြီး တစ်ခုလျှင် ဒေါ်လာ ၃ဝဝ မှ ၅ဝဝ အထိ ရှိသည်။ သို့သော် မြန်မာ အစိုးရသစ်၏ တယ်လီဖုန်း ဆက်သွယ်ရေး ကဏ္ဍ ပြုပြင် ပြောင်းလဲမှု များကြောင့်  SIM ကဒ် ဈေးနှုန်းများ ကျဆင်းသွားမည့် ဟန်ရှိနေသည်။ မြန်မာနိုင်ငံတွင် တယ်လီဖုန်း ဆက်သွယ်ရေး လိုင်စင် နှစ်ခု အတွက် နိုင်ငံတကာ ကုမ္ပဏီ  ၉၁ ခုက အပြိုင်အဆိုင် လျှောက်ထား ခဲ့ကြပြီး ယခုအခါ မြန်မာ့ဆက်သွယ်ရေးက လက်ခံ စဉ်စားနေဆဲ ဖြစ်ကြောင်း သိရှိရသည်။

အထက်ပါ ကိုယ်စားလှယ် အဖွဲ့သည် နည်းပညာ သင်ကြားရေးကို သာမက စီးပွားရေး ဆက်ဆံမှုကိုပါ မြှင့်တင် သွားမည်ဖြစ်သည်။ USAID သည် မြန်မာနိုင်ငံတွင် လုပ်ငန်းများ ကို နိုဝင်ဘာလမှစတင်၍ ပြန်လည် လုပ်ဆောင် ခဲ့ပြီး ကျန်းမာရေး၊ အစားအစာ လုံခြုံရေး၊ ဒီမိုကရေစီရေး၊ လူ့ အခွင့်အရေးနှင့် တရားဥပဒေ စိုးမိုးရေး အစီအစဉ်များအတွက် အမေရိကန် ဒေါ်လာ ၁၇၁ သန်းထောက်ပံ့ရန် ကတိပြုခဲ့သည်။ မြန်မာနိုင်ငံ အနေဖြင့် ပြုပြင်ပြောင်းလဲမှုများ နက်နက်ရှိုင်းရှိုင်း ပြုလုပ်သည်နှင့်အမျှ USAID က ငွေကြေးပိုမိုထောက်ပံ့ရန် စီစဉ်ထားကြောင်း သိရှိရသည်။

Ref: mercurynews.com

ဝ၄ဝ

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*