နိုင်ငံတကာသတင်း — ယူနန်၊ ဖေဖော်ဝါရီ ၂၂၊ ၂ဝ၁၃

တိုင်းရင်းသားလူမျိုးစုများနှင့်  မြန်မာစစ်တပ်ကြား စစ်မက်ဖြစ်ပွား မှုများက တရုတ်နိုင်ငံ အနောက် တောင်ပိုင်း သို့ လျှံကျဝင်ရောက် လာနိုင်မှုကို တွက်ဆလျက် မြန်မာ့နယ်စပ် အနီးတွင် တရုတ် တပ်မတော်တပ်ဖွဲ့များ လေ့ကျင့်မှု အပြင်းအထန် လုပ်ဆောင်နေကြောင်း၊ တရုတ်အစိုးရ သတင်းမီဒီယာ များတွင် သောကြာနေ့ က ဖော်ပြခဲ့ကြသည်။ ထိုလေ့ကျင့်မှုများမှာ ယူနန်ပြည်နယ် တောင်ကုန်း တောင်တန်း များပေါ်တွင် ပြုလုပ်ခဲ့ခြင်း ဖြစ်ပြီး မြန်မာနိုင်ငံမြောက်ဖက် ကချင်ပြည်နယ်နှင့် နယ်စပ်ဒေသတွင် ဖြစ်သည်။ ထိုဒေသတွင် တိုင်းရင်းသား လူမျိုးစု ကချင်လက်နက်ကိုင် အဖွဲ့နှင့် မြန်မာ့ တပ်မတော်အကြား တိုက်ပွဲများ ပြင်းထန်စွာဖြစ်ပွား ခဲ့ပြီး တရုတ်နိုင်ငံ ဘက်သို့ ကျည်များ ကျရောက်ကာ ကချင်စစ်ပြေးဒုက္ခသည် များမှာ ယူနန်ရှိ ဟိုတယ်များနှင့် ဆွေ မျိုးသားချင်း မိတ်ဆွေ အပေါင်းအသင်း များ၏ အိမ်များတွင် ဝင်ရောက်နေထိုင်  ခဲ့ကြသည်။ လွန်ခဲ့သည့်လတွင် မြန်မာအစိုးရက ငြိမ်းချမ်းရေး ဆွေး နွေးပွဲများကျင်းပရန် ကချင်လွတ် မြောက်ရေး တပ်မတော်နှင့် အပစ် အခတ် ရပ်စဲရေးတစ်ခု ထုတ်ပြန် ကြေညာခဲ့သော်လည်း နောက်ရက်များ တွင် မြန်မာ့တပ်မတော်က တိုက်ခိုက် မှုများ ဆက်လက် ပြုလုပ်နေကြောင်း၊ ထိုဒေသရှိ နိုင်ငံခြားသားများက သတင်းပို့ခဲ့သည်။ သောကြာနေ့က ထုတ်ပြန်သော တရုတ်နိုင်ငံ သတင်းတစ်ပုဒ် ကလည်း ငြိမ်းချမ်းရေး ဆွေးနွေးပွဲ များတွင် ထူးထူးခြားခြား တိုးတက်မှု မရှိကြောင်း ဆိုပါသည်။

အဆိုပါ ယူနန်ပြည်နယ်တွင်းမှ စစ်ရေးလေ့ကျင့်မှု၏ ရည်ရွယ်ချက် မှာ တရုတ်တပ်မတော် တပ်ဖွဲ့များ၏ တိုက်ပွဲဝင်နိုင် စွမ်းနှင့် အောင်ပွဲဆင်နိုင်စွမ်းကို စိတ်ချရစေ ရန်ဖြစ်ကြောင်း ကြာသပတေးနေ့ထုတ် ဆင်ဟွာ သတင်းဌာနက သတင်းတစ်ပုဒ်ကို ကိုးကား၍ သတင်းဝက်(ဘ)ဆိုက် အများအပြားက ဖော်ပြခဲ့ကြသည်။ စစ်ရေးလေ့ကျင့်မှု များကို ရိုးရာနှစ်သစ် (Lunar New Year) စတင်သည့် ယခု လတွင် စတင်ပြုလုပ်ခဲ့ပြီး နယ်ခြား စောင့်တပ်များကို တကယ့်တိုက်ပွဲ တိုက်နိုင်ရန် ကြိုတင်ပြင်ဆင်ပေးခြင်း ဖြစ်ကြောင်း ဆင်ဟွာက ဆိုသည်။ ထို့ပြင် စစ်သားများအနေဖြင့် ဆိုးဝါး သော ရာသီဥတုထဲတွင် ချီတက်ခြင်း နှင့် ဆက်သွယ်ရေး အချက်ပြမှုများ မရောက်ပေါက်နိုင်သည့် ဒေသများ ထဲတွင် အလုပ်လုပ်ခြင်းများကို လေ့ကျင့်ခဲ့ကြကြောင်း လည်း ဆိုပါသည်။ ယူနန်ပြည်နယ်၏ တောတောင် ထူထပ် သည့် နယ်မြေများတွင် အထူးစိန်ခေါ် မှုများရှိနေပြီး တောတောင်လျှိုမြောင် နှင့် ချောင်းမြောင်းများထဲတွင် တပ်များ လေ့ကျင့်နေ ကြကြောင်း၊ အချို့ တပ်ဖွဲ့များမှာ နယ်စပ်တစ်လျှောက် ဆက်သွယ်ရေးစခန်းများ တည်ဆောက်  နေကြကြောင်း သတင်းတွင် ဖော်ပြ ထားသည်။

စောစောပိုင်းတွင် ယူနန်စစ်ဖက် ခေါင်းဆောင်များသည် ထိုနယ်မြေအတွင်း ကွပ်ကဲရေးဌာနတစ်ခု တည်ဆောက် ခဲ့ကြသည်။ တရုတ်ကွန်မြူ နစ်ပါတီ အာဘော်ဖြစ်သော ပြည်သူ့ နေ့စဉ်သတင်းစာကြီး၏ ဝက်(ဘ) ဆိုက်ပါ ဇန်နဝါရီလ အတွင်းမှ ဆောင်းပါးတစ်ပုဒ်တွင် အရပ်သားများ၏ မှတ်ပုံတင်ကတ်များကို နယ်စပ်မြို့ နာဘန်းတစ်လျှောက်၌ နယ်ခြားစောင့်တပ်များနှင့် ရဲအရာရှိများက စစ်ဆေး နေသည်ကို မြင်တွေ့နိုင်ကြောင်း၊ လမ်းပန်း ဆက်သွယ်ရေး ပြတ်တောက် မှုကြောင့် စီးပွားရေး လုပ်ငန်း အများအပြား ပိတ်ခဲ့ရကြောင်းနှင့် ညဘက်တွင် အမြောက်သံများ ကြားရနိုင်ကြောင်း ဖော်ပြပါရှိသည်။

တရုတ်စစ်ဖက်အနေဖြင့် တိုက်ပွဲဝင်ရန် ကြိုတင်ပြင်ဆင်ထားသင့်ပြီး ခေတ်မီရေးကို အားကောင်းမောင်းသန်  ဆက်လက်ဆောင် ရွက်ရန် လိုအပ်ကြောင်း၊ တရုတ်နိုင်ငံ ခေါင်းဆောင်များက ယေဘုယျအားဖြင့် အလေးထားပြောဆိုလေ့ ရှိခဲ့သည်။ ပြီးခဲ့သည့် နှစ်နှောင်းပိုင်းက ကွန်မြူနစ်ပါတီ ခေါင်းဆောင်သစ် ရှီကျင်ပင်းသည် တရုတ်နိုင်ငံ တောင်ပိုင်းရှိ ကြည်းတပ် နှင့် ရေတပ်တပ်ဖွဲ့များသို့ သွားရောက် လည်ပတ်ပြီး စစ်ဖက် တောင့်တင်း ခိုင်မာရေး လိုအပ်ချက်ကို ပြောကြားခဲ့ သည်။

လတ်တလောဖြစ်ပွားခဲ့သော ကချင်ပြည်နယ်တွင်း တိုက်ခိုက်မှုများမှာ ကချင်တပ်မတော်မှ ထိန်းချုပ်ထားရာ ကချင်ပြည်နယ် လိုင်ဇာမြို့ပေါ်တွင် ဗဟိုပြုခဲ့သည်။ ယခု ဆောင်းရာသီ၌ မြန်မာ့တပ်မတော် သည် လိုင်ဇာ (သို့မဟုတ်) ထိုအနီးတစ်ဝိုက်ရှိ အရေးကြီး စစ်ရေး အချက်အချာများကို သိမ်းပိုက်ရန် ထိုးစစ် နှင့် ဖိအားပေး ခဲ့သည်။ တိုက်လေယာဉ် များနှင့် အမြောက်ကြီးများသုံး ခဲ့ပြီး အရပ်သားများ အသတ်ခံရ ကြောင်း ဒေသခံ များက ပြောခဲ့သည်။ တရုတ်အာဏာပိုင်များက ယခု ဆောင်းရာသီတွင် အကြမ်းဖက်မှုများ နှင့်ပတ်သက်၍ စိုးရိမ်ကြောင်း ပြော  ဆိုခဲ့သည်။ အထူးသဖြင့် ယူနန်ပြည် နယ်တွင် အမြောက်ဆံများ ကျရောက် ချိန်တွင်ဖြစ်ပြီး အမြောက်ဆံများမှာ ဒီဇင်ဘာ ၃ဝ ရက်က အနည်းဆုံး လေးလုံးကျရောက်ခဲ့ကြောင်း ဆိုပါ သည်။ ခရစ်ယာန် ဘာသာဝင် အများစုဖြစ်သည့် ကချင်လူမျိုး ထောင်နှင့်ချီ ပြီး ယူနန်နယ်ထဲသို့ ဝင်ရောက်လာ ခဲ့ပြီး တရုတ်ခရစ်ယာန်များနှင့် တရုတ်နိုင်ငံတွင် နေထိုင်သော မန်ဒရင်းဘာသာအရ ဂျင်းဖောဟု ခေါ်သည့် ကချင် တိုင်းရင်းသားမျိုးနွယ် များက ဒုက္ခသည်စခန်းများသို့ အကူအညီများ ထောက်ပံ့ခဲ့ကြသည်။

သြဂုတ်လတွင် ယူနန်ပြည်နယ် အာဏာပိုင်များက ဒုက္ခသည်အများစုကို စခန်းများမှ ထွက်ခွာ၍ ကချင် ပြည်နယ်သို့ ပြန်ရန် ဖိအားပေးခဲ့သည်။ ယခင်ဗိုလ်ချုပ်ကြီးဟောင်း မြန်မာ နိုင်ငံသမ္မတ ဦးသိန်းစိန်က နိုင်ငံ၏ အာဏာပိုင် နိုင်ငံရေးစနစ် အတွင်းသို့ ဒီမိုကရေစီလုပ်ရပ်များ သွတ်သွင်းရန် ကြိုးစားနေသော်လည်း တိုင်းရင်းသား လူမျိုးစုများနှင့် ပြည်တွင်းစစ်က ဆယ်စုနှစ်ပေါင်းများစွာ တိုင်းပြည်ကို ဒုက္ခရောက်စေခဲ့ပြီး ယခုပဋိပက္ခများ ကလည်း မြန်မာတိုင်းရင်းသား လွှမ်း မိုးသော အစိုးရအနေဖြင့် ကချင်ကဲ့ သို့ တိုင်းရင်းသား လူနည်းစုတို့၏ တောင်းဆိုချက်များကို အလေးအနက် ထည့်သွင်းစဉ်းစား ပါမည်လော ဟူသော မေးခွန်းများကို ထွက်ပေါ်လာစေ ခဲ့သည်။

Ref: Edward Wong,New York Times

ဆက်စပ်သတင်းများ

ထိုင်းဘုရင် ဘူမိဘော အဒူရာဒေ့ခ်ျ နတ်ရွာစံ

ထိုင်းဘုရင် ဘူမိဘော အဒူရာဒေ့ခ်ျ နတ်ရွာစံ

ထိုင်း၊ အောက်တိုဘာ ၁၃၊ ၂၀၁၆

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*