တိုင်းရင်းသားသတင်း — ဒီဇင်ဘာ ၂၆၊ ၂ဝ၁၂

မြန်မာနိုင်ငံ မြောက်ပိုင်း ပဋိပက္ခများကြောင့် နေရပ်စွန့်ခွာ ထွက်ပြေး တိမ်းရှောင်နေကြရသော ဒေသခံပြည်သူ ၅ သောင်းနီးပါးခန့်မှာ ဒုတိယမြောက် ဆောင်းရာသီကို ဆိုးရွားလှသည့်အခြေအနေများဖြင့် ဖြတ် ကျော် ရင်ဆိုင်နေကြ ရပြီး နိုင်ငံတကာ အကူအညီပေးရေး အဖွဲ့အစည်းများနှင့် အလှူရှင်တို့က ယင်းတို့ကို အကူ အညီပေးရန် အချိန်တို အတွင်း နည်းလမ်းတစ်ရပ် မရှာဖွေနိုင်ခဲ့ပါက အခြေအနေမှာ သာ၍ဆိုးရွားလာမည်ဖြစ် သည်ဟု ဒေသခံ ကယ်ဆယ်ရေး လုပ်သားတစ်ဦး က ပြောကြား လိုက်သည်။

မြန်မာအစိုးရစစ်တပ်နှင့် ကချင်  လက်နက်ကိုင်တို့အကြား ၂ဝ၁၁ ခုနှစ်  ဇွန်လမှစတင်၍ တိုက်ပွဲများဖြစ်ပွားခဲ့ သဖြင့် နေအိမ်စွန့်ခွာ ထွက်ပြေး ခဲ့ကြရသော တိုင်းရင်းသား ကချင် လူမျိုးတို့သည်  မြန်မာ-တရုတ် နယ်စပ်ဒေသ တစ်လျှောက် ကချင် လက်နက်ကိုင်တို့ ထိန်းချုပ်ထား သောဒေသများရှိ ကယ်ဆယ်ရေး စခန်း ၁၇ ခုတွင် ဖြန့်ကြက်နေထိုင် လျက် ရှိသည်။ ကုလသမဂ္ဂအဖွဲ့ အစည်းများအနေဖြင့် ယင်းစခန်းများ  နှင့် ဆက်သွယ်ခွင့် မရခဲ့သည်မှာ လအတန်ကြာခဲ့ပြီဖြစ်သည်။

ကုလသမဂ္ဂအဖွဲ့အစည်းများနှင့် အခြားအကူအညီပေးရေးအဖွဲ့အစည်း တို့က ဒေသခံ လူမှုရေး အဖွဲ့အစည်း များမှတစ်ဆင့် ပေးပို့မှုဖြင့် သွယ်ဝိုက်စွာ ရရှိခဲ့သော အထောက်အပံ့ အနည်းငယ်မှာ လည်း ဒီဇင်ဘာ အစောပိုင်းတွင်ပင် ကုန်ခမ်းသွားခဲ့ ပြီဖြစ်ကြောင်း Relief Action Network for IDPs and Refugees(RANIR) အဖွဲ့မှ ညှိနှိုင်း စီစဉ်သူ တစ်ဦးဖြစ်သည့် La Rip က ပြောကြားခဲ့သည်။

RANIR သည် ဇွန်လတိုက်ပွဲများ အပြီးတွင် ထူထောင်ခဲ့သော အဖွဲ့အစည်းဖြစ်ပြီး ရွှေ့ပြောင်းဒုက္ခ သည်များနှင့် အဆက်အသွယ် ပြုနိုင်သည့် အချို့သော အဖွဲ့အစည်း များ အနက်မှ တစ်ဖွဲ့ဖြစ်သည်။

ယခုအခါ ရွှေ့ပြောင်းဒုက္ခသည်  တို့အတွက် လိုအပ်ချက်များစွာ ရှိနေပြီး ရိက္ခာဖူလုံမှုလည်းမရှိကြောင်း စခန်း အချို့မှာ ဆောင်းရာသီတွင် နှင်းဖုံးလေ့ ရှိသည့် တောင်စောင်းများ  ပေါ်တွင် တည်ရှိကာ အများစုမှာ အနွေးထည် ဝတ်ဆင်ရန် မရှိကြောင်း၊ ဆေးဝါးပြတ်လပ်မှုနှင့်လည်း ကြုံ တွေ့နေရကြောင်း၊ စခန်းတွင် နေ ထိုင်သူအများအပြားမှာ တစ်နှစ် ကျော်ကြာမြင့်နေခဲ့ပြီဖြစ်၍ အသက် မွေးဝမ်းကျောင်းအလုပ်များလည်း ဆုံးရှုံးခဲ့ရပြီး ငွေကြေးအခက်အခဲ များလည်း ရင်ဆိုင်နေ ရကြောင်း၊ La Rip က တရုတ်နယ်စပ်ရှိ လိုင်ဇာ မြို့မှတစ်ဆင့် AlerNet သတင်းဌာနသို့ တယ်လီဖုန်း ဆက်သွယ် ပြောကြားခဲ့သည်။

အစိုးရတပ်နှင့် ကချင်လွတ် မြောက်ရေးတပ်မတော်(ကေအိုင်အေ) တို့အကြား ၁၇ နှစ်တိုင် တိုင်စောင့်ထိန်းခဲ့သော အပစ်အခတ် ရပ်စဲရေး သဘောတူညီချက် ကျိုးပေါက် ခဲ့ရသည့် ၂ဝ၁၁ ခုနှစ်မှစ၍ ရှမ်းပြည် နယ်မြောက်ပိုင်းနှင့် ကချင်ပြည်နယ် တို့တွင် နေရပ်စွန့်ခွာတိမ်းရှောင်ခဲ့ ကြရသူပေါင်း ၇၅,ဝဝဝ မျှရှိမည် ဟု အကူအညီပေးရေး အဖွဲ့အစည်း များနှင့် လူ့အခွင့်ရေး အဖွဲ့များက ခန့် မှန်းပြောကြားကြသည်။

ဒီဇင်ဘာလ အစောပိုင်း ကာလအတွင်း ကချင်ပြည်နယ်သို့သွား ရောက်ခဲ့သော လူသားချင်းစာနာ ထောက်ထား မှု ဆိုင်ရာ ကုလသမဂ္ဂ လက်ထောက် အထွေထွေ အတွင်းရေးမှူး Valarie Amos က ကေအိုင်အေ ထိန်းချုပ်ထားသည့် ဒေသများရှိ ကယ်ဆယ်ရေး အကူအညီ အကြီးအကျယ် လိုအပ်လျက်ရှိသော ရွှေ့ပြောင်း ဒုက္ခသည် များထံ အကူအညီပေးရေး အဖွဲ့အစည်းများ သွားရောက်ခွင့်ပြုပါရန် မြန်မာအစိုးရကို တောင်းဆိုသွား ခဲ့သည်။

အစိုးရထိန်းချုပ် ဒေသပြင်ပရှိ ကယ်ဆယ်ရေး အထောက်အပံ့များ အကြီးအကျယ် လိုအပ်လျက်ရှိသော ပြည်သူ ၃၉,ဝဝဝ တို့ထံ ၂ဝ၁၂ ခုနှစ်၊ ဇူလိုင်လနောက်ပိုင်းမှစ၍ ကုလသမဂ္ဂ အဖွဲ့အစည်းများ သွား ရောက်ခွင့် မရရှိခဲ့ကြောင်း၊ Valarie Amos က ထုတ်ဖော်ပြောကြားခဲ့ခြင်း  ဖြစ်သည်။

La Rip ကလည်း မကြာသေးခင် က ထပ်မံဖြစ်ပွားခဲ့သော တိုက်ပွဲများကြောင့် နေရပ်စွန့်ခွာ ထွက်ပြေးသူများ ပိုမိုတိုးပွားလာပြီး စုစုပေါင်း ၅ သောင်းခန့် အထိမြင့်တက် လာခဲ့ ကြောင်း၊ ယင်းတို့ အနက် အမျိုးသမီး များနှင့် ကလေးသူငယ်များ အများအပြား ပါဝင်ကြောင်း ပြောကြားခဲ့ သည်။

လိုင်ဇာမြို့ရှိ ဒုက္ခသည်များ အနက် အသက် ၃ နှစ်မှ ၅ နှစ် အရွယ်ရှိ ကလေးသူငယ် ၈ဝဝ ခန့် ကို နိုဝင်ဘာလ အတွင်း  RANIR အဖွဲ့က စစ်တမ်းတစ်ရပ် ကောက်ယူခဲ့ရာ ကလေးသူငယ် ၅ ဦးအနက် တစ်ဦးနီးပါးခန့် (၂ဝ% နီးပါး) မှာ အာဟာရ ပြတ်လပ်မှု ခံစားနေရကြောင်း တွေ့ရှိခဲ့ရသည်ဟု La Rip က ဆိုသည်။

“အကူအညီ တချို့ရတယ် ဆိုပေမယ့် ဒါကလည်း ၁၅ ရက်၊ တစ်လစာ လောက်ပဲဆိုတော့ ရေတိုအတွက် သာ ဖူလုံပြီး ကြာကြာခံမှာ မဟုတ်ပါဘူး” ဟုလည်း La Rip က ပြောကြားခဲ့သည်။

နိုင်ငံတကာ အလှူရှင်များ အနေဖြင့် မြန်မာအစိုးရမှ တစ်ဆင့် ဒုက္ခသည်များကို ထောက်ပံ့ပေးနေသည့် နည်းလမ်း အစား အခြား အပြောင်းအလဲ နည်းလမ်းတစ်ရပ်ကို ရှာဖွေကြရန်ကိုလည်း La Rip က မေတ္တာ ရပ်ခံပြောကြားခဲ့သည်။

“တကယ်လို့ အစိုးရက အဲဒီ ရွှေ့ပြောင်းဒုက္ခသည်တွေဆီသွားဖို့ ခွင့်မပြုဘူးဆိုရင် ကချင်လူမှုအဖွဲ့အစည်း တွေကတစ်ဆင့် ဒါမှမဟုတ် ရွှေ့ပြောင်းဒုက္ခသည်တွေကို ၁၈ လ လုံးလုံး အကူအညီပေးနေခဲ့တဲ့ နယ် စပ်ဒေသ တစ်လျှောက်က ဒေသခံ လူ့အဖွဲ့အစည်း အခြေပြုအဖွဲ့တွေက နေ တစ်ဆင့် ပေးပို့ကြဖို့ တောင်းဆို ချင်ပါတယ်””ဟု La Rip က ပြော ကြားခဲ့ခြင်းဖြစ်သည်။

ဥရောပ ကော်မရှင်ကလည်း  ကချင်ရွှေ့ပြောင်းဒုက္ခသည်များနှင့် ရခိုင်ပြည်နယ်အတွင်း လူမျိုးရေး အကြမ်းဖက်မှု ဒဏ်သင့်ပြည်သူများ အတွက် ယူရိုငွေကြေး ၅.၅ သန်း တန်ဖိုးရှိ လူသားချင်း စာနာထောက် ထားမှုဆိုင်ရာ အထောက်အပံ့များ ပေးအပ်မည် ဖြစ်ကြောင်း၊ ဒီဇင်ဘာ ၂၁ ရက်က ကြေညာချက်ထုတ်ပြန် ခဲ့သည်။ အဆိုပါ အထောက်အပံ့ များကို အစိုးရ မဟုတ်သော နိုင်ငံ တကာလူမှုအဖွဲ့အစည်းများ၊ ကြက်ခြေနီ လှုပ်ရှားမှုများနှင့် ကုလသမဂ္ဂ အဖွဲ့အစည်းမှတစ်ဆင့် ပေးအပ်သွား မည်ဖြစ်ကြောင်း လည်း ကြေညာချက်  တွင် ဖော်ပြသွားခဲ့သည်။

Ref: Sorne 50000 Displaced in North Myanmar need urgent help Alert Net

ဝ၃၉

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*