အရှေ့တောင်အာရှ စဥ့်သမိုင်းတွင် မြန်မာ့စဥ့်သမိုင်း ပါဝင်နိုင်အောင် ကြိုးစားနိုင်ခဲ့သော မြန်မာနိုင်ငံ စဥ့်အသင်း သည် မြန်မာနိုင်ငံ တစ်ဝန်းရှိ အခြေခံအိုး လုပ်ငန်းမိသားစုများနှင့် ကျေးလက်ဒေသ အခြေခံ လူတန်းစားများ၏ လူနေမှုဘဝ မြင့်တက်လာစေရန် အုတ်တစ်ချပ် သဲတစ်ပွင့် အဖြစ် ကူညီဆောင်ရွက်လျက် ရှိသည်။

မြန်မာနိုင်ငံ စဥ့်အသင်းသည် ၁၉၈၇ ခုနှစ်မှစတင်၍ ရှေးဟောင်း စဥ့်သမိုင်းများကို အစပြု ဖော်ထုတ်ခဲ့ရာမှ ရှေးဟောင်း စဥ့်ဖိုပေါင်း တစ်ထောင်ကျော်ကို ရှာဖွေတူးဖော်ခဲ့ပြီး မြန်မာ့ စဥ့်ထည်များကို အေဒီ ၅ ရာစုခန့်မှ စတင် ထုတ်လုပ်ခဲ့ကြောင်း အသိအမှတ်ပြုနိုင်ခဲ့သည်။ ၁၉၉၉ ခုနှစ်မှစတင်၍ မြန်မာ့စဥ့် အနုပညာ တိုးတက်စေ ရန် အသေးစား အိုးလုပ်ငန်း လုပ်ကိုင် သူများ ဖိုဝိုင်း ပိုင်ဆိုင်နိုင်ရေး၊ ထိုမှတစ်ဆင့် ဖိုရှည်ပိုင်ဆိုင်နိုင်ရေးအထိ ကူညီ ဆောင်ရွက်ပေးခြင်း၊ စဥ့်နည်းပညာ သင်တန်းများပေးခြင်း၊ ရှေးဟောင်း မြန်မာ့ စဥ့်ထည်ပစ္စည်းများ ဖော်ထုတ်ခြင်း၊ ကွန်ရက်များ တည်ဆောက်ပေးခြင်း၊ လှည့်ပတ် ရန်ပုံငွေ ပံ့ပိုးပေးခြင်း၊  စိုက်ပျိုးရေးနှင့် လက်ယာ ကဏ္ဍများတွင် ကူညီပေးခြင်း၊ စွမ်းရည်မြင့် သင်တန်း များပေးခြင်း၊ နာရေးနှင့် လူမှုရေး အခက်အခဲ များ ကူညီပေးခြင်း၊ လွယ်ကူချောမွေ့စွာ မီးဖွားနိုင်ရန် ကူ ညီပေးခြင်း ၊ ကျောင်းနေအရွယ် ကလေးများ၏ ကျောင်းစရိတ် ထောက်ပံ့ပေးခြင်းနှင့် သက်ကြီးရွယ်အို ဘိုးဘွားများကို ကာကွယ် စောင့်ရှောက်ပေးခြင်း လုပ်ငန်းများကို ဆောင်ရွက်လျက် ရှိသည်။

မြန်မာနိုင်ငံ စဥ့်အသင်း အနေဖြင့် အိုးလုပ်ငန်းစုများ သာမက အခြားသော ကျေးလက်ပြည်သူများ ဘဝ ဖွံ့ဖြိုး တိုးတက်အောင် ကူညီ ဆောင်ရွက်ဖြစ်ပုံကို “အစက ဖိုပိုင်ရှင်တွေကို ပြန်ပြီးတော့ ဖွံ့ဖြိုးစေချင်တယ်။ နိုင်ငံခြား ပို့ကုန်အထိ ဖွံ့ဖြိုးစေချင်တယ်။ ဟိုတုန်းက ၁၅ ရာစုနှစ်လောက်တုန်းက သူတို့အဖိုး အဖွားတွေ ပို့နိုင်ခဲ့သလို သူတို့ခေတ် မှာလည်း ပြန် လည် ပို့နိုင်ပြီး ချမ်းသာစေချင်တဲ့ ရည်ရွယ်ချက်နဲ့ အသေးစား လှည့်ပတ် ရန်ပုံငွေ နည်းစနစ်နဲ့ လုပ်ငန်းရှင်တွေအတွက် ဘဏ်နဲ့ ချိတ်ဆက်ပေးတဲ့ နည်းစနစ်တွေကို တွံတေးမှာ လုပ်လာခဲ့တာ ရှစ်နှစ်လောက် ရှိလာခဲ့တော့ ဒီအတွေ့အကြုံက အိုးလုပ်ငန်းရှင်တွေအတွက် သာမက ဘယ်နေရာက ဘယ်သူ တွေကို မဆို၊ ဘယ်လုပ်ငန်းတွေ ကို မဆို တိုးတက်အောင် ဆောင်ရွက်ပေး နိုင်တာကြောင့် စဥ့်အသင်း အနေနဲ့ အခြားသော ကျေးလက်နေ ပြည်သူတွေ ရဲ့လုပ်ငန်းတွေ တိုးတက် လာအောင် ဒီနည်းနဲ့ ဆောင်ရွက်ပေး လာခဲ့တယ်” ဟု မြန်မာနိုင်ငံ စဥ့်အသင်း၏ နာ.ယ.က ဒေါက်တာမျိုးသန့် တင်က ပြောသည်။

မြန်မာနိုင်ငံ စဥ့်အသင်းသည် အိုးလုပ်ငန်းကို အဓိကထား လုပ်ကိုင်သော တွံတေးမြို့တွင် အဆိုပါ လုပ်ငန်းများ ဆောင် ရွက်ခဲ့ရာ အိုးလုပ်ငန်း  မိသားစုများမှ ကိုယ်ပိုင်ရေရှည်ခံ မြေစစ် ရေသန့်အိုး ထုတ်လုပ်နိုင်သည် အထိ တိုးတက်လာခဲ့သည်။ ထိုမှတစ်ဆင့် မြန်မာ အန်ဂျီအို ၁၁ ဖွဲ့ ဖြင့်စုပေါင်း၍ ဒေးဒရဲမြို့နယ်တွင် အဆိုပါ အသေးစား လှည့်ပတ် ရန်ပုံငွေ နည်းစနစ်အပြင် စိုက်ပျိုးရေးနှင့် လယ်ယာကဏ္ဍများအတွက် နည်းစနစ်များ သင်ကြားပေးခြင်း၊ လမ်းပြင်ခြင်း၊ ရေကန် တူးခြင်း၊ ရေဆင်းလှေကား ဆောက်လုပ်ပေးခြင်းနှင့် စီးပွားရေးဆိုင်ရာ စာရင်းကိုင်ပညာ သင်တန်းများ ပို့ချပေးခြင်းများ ဆောင်ရွက်ခဲ့သည်။

လက်ရှိတွင် မြန်မာနိုင်ငံ စဥ့်အသင်းအနေဖြင့် ဘိုကလေးမြို့ရှိ ရွာသုံးရွာတွင် အဆိုပါ အသေးစား လှည့်ပတ် ရန်ပုံငွေ နည်းစနစ်များ သာမက စွမ်းဆောင်ရည်မြင့် သင်တန်းများ ပေးခြင်း၊ လူမှုကာကွယ် စောင့်ရှောက်ရေး သင်တန်း များ ပေးခြင်းများ ဆောင်ရွက်လျက် ရှိသည်။

ထို့ပြင်ဆက်လက်၍ ရှမ်းပြည် နယ်နှင့် စစ်ကိုင်းတိုင်းရှိ အိုးလုပ် ငန်းမိသားစုများနှင့် ကျေးလက်နေ ပြည်သူများ ၏ လူမှုဘဝဖွံ့ဖြိုးတိုး တက်အောင် ကူညီဆောင် ရွက်သွားမည် ဖြစ်ပြီး တိမ်မြှုပ်ပျောက်ကွယ် သွားခဲ့သော သစ်ပင်ပြာချော် ဖြင့် စဥ့်ပြုလုပ်ခြင်း နည်းပညာလေး မြန်မာတစ်နိုင်ငံလုံးရှိ အိုးလုပ်ငန်း မိသားစုများ အားလုံးထံ ဖြန့်ဝေပေးနိုင်ရန် စီစဉ်လျက် ရှိသည်။

ယင်းသို့ ကူညီစောင့်ရှောက် ရေးလုပ်ငန်းများ ဆောင်ရွက်စဉ် ကြုံတွေ့ရသော အခက်အခဲများကို ဒေါက်တာ မျိုးသန့်တင်က “အာမခံ မရှိရင် ဘဏ်ကနေ ချေးငွေ မထုတ်ပေးနိုင်တဲ့ စနစ်ကြောင့် အာမခံပစ္စည်းတို့၊ ငွေကြေး တို့ မထားနိုင်တဲ့ ကျေး လက် ပြည်သူတွေအတွက် ဘဏ်က ချေးငွေရဖို့ အခက်အခဲရှိတယ်။ ဒါကို မြန်မာနိုင်ငံ စဥ့်အသင်းက တတိယ အဖွဲ့အစည်း အနေနဲ့ အာမခံပေးတယ်။ ဒါပေမယ့်လည်း ကျေးလက် ဒေသခံတွေက ဘဏ်နဲ့အလုပ် လုပ်ရတာ အလေ့အကျင့် မရှိကြသေး ဘူး။ ကြောက်နေကြတုန်းပဲ” ဟု ဆိုသည်။

ထို့ပြင် နိုင်ငံတော်၏ ပုံရိပ်ကို ပုံဖော်တိုးမြှင့်ပေးနိုင်သည့် မြန်မာ့ ယဉ်ကျေးမှု လက်ရာဖြစ်သော စဥ့် အနုပညာ လက်ရာ များကို ကမ္ဘာ့က သိသည်အထိ ဆက်လက်ဖော် ထုတ် ပြုလုပ်ဖန်တီးသွားမည်ဟု ယင်းက ပြောကြား သည်။ ယခုအခါ တွင်လည်း အခြေခံ အိုးလုပ်ငန်းအဆင့် မိသားစုများမှ ဖိုဝိုင်း ပိုင်ဆိုင်လာသူများ ရှိလာပြီး အလတ်စားလုပ်ငန်း ဖိုဝိုင်း ပိုင်ဆိုင်သူများမှလည်း ဖိုရှည် ပိုင်ဆိုင်လာနိုင်ကြပြီ ဖြစ်ကြောင်း သိရှိရသည်။

မြန်မာနိုင်ငံတွင် စစ်ကိုင်းတိုင်း၊ ကျောက်မြောင်းမြို့၊ ပုသိမ်မြို့၊ မော်လမြိုင်မြို့၊ ပျဉ်းမနားမြို့၊ အင်းလေးကန်၊ ရှမ်းပြည်နယ် တလွှားနှင့် မှော်ဘီမြို့ ဒေသများတွင် အိုးလုပ်ငန်းကို  အဓိကထား လုပ်ကိုင်သူများရှိပြီး အကြမ်းအားဖြင့် လစဉ် စဥ့်ထည် ပစ္စည်းများကို ကွန်တိန်နာ သုံးစီးခန့်  နိုင်ငံခြားသို့ တင်ပို့နိုင်ကြောင်း သိရှိရပါသည်။

ဝဝ၃

ဆက်စပ်သတင်းများ

အရုဏ်ဦး လူမှုကူညီရေး အသင်း

ရန်ကုန်၊ ဖေဖော်ဝါရီ ၁၇၊ ၂ဝ၁၃
ခရေမိသားစု ဒါနပြုအဖွဲ့

ခရေမိသားစု ဒါနပြုအဖွဲ့

ရန်ကုန်၊ ဇန်နဝါရီ ၂ဝ၊ ၂ဝ၁၃

ဘဝမြင့်မိုရ်

ရန်ကုန်၊ ဒီဇင်ဘာ ၂၂၊ ၂ဝ၁၂

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*