NDF ဥက္ကဌ ဦးခင်မောင်ဆွေ

မြန်မာနိုင်ငံ၏ နိုင်ငံရေးပြောင်းလဲမှုများနှင့် အနာဂတ်အတွက်ကြိုတင်ပြင်ဆင်မှုများ၊ စည်းလုံးညီညွတ်မှုများ၊ လွှတ်တော်တွင်း အခြေအနေများနှင့် ဆင်းရဲချမ်းသာကွာဟမှုများကို အမျိုးသားဒီမိုကရေစီအင်အားစုပါတီ ပါတီခေါင်းဆောင် ဦးခင်မောင်ဆွေ နှင့် အင်တာဗျူးတွင် အောက်ပါအတိုင်းပြောပြခဲ့ပါသည်။

မေး။   ။ လက်ရှိနိုင်ငံရေးဖြစ်ပေါ်ပြောင်းလဲမှုတွေကို ဘယ်လို မြင်ပါသလဲ။

ဖြေ။    ။ လွှတ်တော်နိုင်ငံရေးလမ်းကြောင်းဟာ ဒီမိုကရေ စီအတွက် အမြင့်ဆုံးတိုက်ပွဲဖြစ်တယ်၊ လူမှုဒီမိုကရေစီတိုက်ပွဲ ဖြစ်တယ်၊ ဒီမိုကရေစီလူ့ဘောင်ကိုသွားဖို့အတွက် လွှတ်တော်ထဲကနေပြီး ဆောင်ကျဉ်းရမယ်ဆိုတာ အဓိကကျတယ်။ ဒါ့အပြင် တိုင်းပြည်တည်ဆောက်ဖို့၊ ဒီမိုကရေစီအဖြစ်ကိုရောက်ဖို့၊ စစ်မှန်တဲ့ပြည်ထောင်စုပုံသဏ္ဍာန်ပေါ်ဖို့၊ တိုင်းရင်းသားတွေ တန်းတူညီမျှခွင့်တွေရဖို့၊ စီးပွားတိုးတက်ဖို့ဆိုတာတွေကို လွှတ်တော်နိုင်ငံရေးအခြေအနေနဲ့ပဲ သွားရမယ်ဆိုတာတွေအတွက် လွှတ်တော်တွေခေါ်တယ်၊ ကြားဖြတ်ရွေးကောက်ပွဲတွေ လုပ်တယ်။ တစ်ဆင့်ချင်း ပြောင်းလဲဖြစ်ပေါ်အောင် သွားနေကြတယ်။ ဒါ လက်ရှိနိုင်ငံရေးရဲ့ ပထမဆုံးမြင်ရတဲ့ အခင်းအကျင်းပါပဲ။

မေး။   ။ ကြားဖြတ်ရွေးကောက်ပွဲအပြီး လွှတ်တော်တွင်း နိုင်ငံရေးအခြေအနေတွေက ဘယ်လိုရှိလာနိုင်ပါသလဲ။

ဖြေ။    ။ NLD နိုင်သွားတဲ့ ၄၃ နေရာကတော့ လွှတ်တော်မှာရှိတဲ့ လူဦးရေနဲ့ အချိုးချကြည့်မယ်ဆိုရင် ဘာအပြောင်းအလဲမှ မရှိနိုင်ဘူး၊ အများစုအနိုင်ရထားတဲ့ပါတီက လူပေါင်း ၃ဝဝ ကျော်ရှိတယ်။ အများစုအနိုင်ရထားတဲ့ ပြည်ထောင်စုကြံ့ခိုင်ရေး နှင့်ဖွံ့ဖြိုးရေးပါတီနဲ့ နှိုင်းဆမယ်ဆိုရင်တော့ လူဦးရေဟာ ဘာမှသိပ်မထူးလှဘူး၊ နောက်ပြီး မြင်ကွင်းအရကြည့်မယ်ဆိုရင် မဲအများစုကပဲ ဆုံးဖြတ်မှုကို ချနိုင်မယ့်အနေအထားမှာရှိနေတော့ အပြောင်းအလဲ မရှိနိုင်ဘူး။ သို့သော်လည်းပဲ ဒေါ်အောင်ဆန်းစုကြည်ဆိုတဲ့ ကမ္ဘာသိ၊ မြန်မာသိတဲ့ ပုဂ္ဂိုလ် လွှတ်တော်ထဲ ရောက်တဲ့အခါကျတော့ နိုင်ငံရေးအခင်းအကျင်းမှာ အပြောင်းအလဲတွေ ဖြစ်လာမလား၊ ပူးပေါင်းဆောင်ရွက်မှုကို ဒေါ်အောင်ဆန်းစုကြည်က တကယ်ပဲ အပြည့်အဝဖန်တီးနိုင်မလား၊ တစ်ဖက်ကလည်း ဒေါ်အောင်ဆန်းစုကြည် လွှတ်တော်ထဲရောက်လာတာကို ပါးစပ်ကတင် မဟုတ်ပဲတကယ့်လက်တွေ့တိတိကျကျ ပူးပေါင်းဆောင်ရွက်မှုကို လက်ကမ်းကြိုဆိုမလား ဆိုတာကို ဖြတ်သန်းရမယ့် လွှတ်တော်စတုတ္ထအကြိမ်မှပဲ မှန်းဆနိုင်ပါတယ်၊ တတိယအကြိမ် ကတော့ ဖြစ်နိုင်ချေနည်းတာကိုတွေ့ရပါတယ်။ ပူးပေါင်းဆောင်ရွက်မှုဟာ ဘယ်လောက်မြန်ဆန်မလဲ၊ ပူးပေါင်းဆောင်ရွက်မှုကို နှစ်ဖက်စလုံးကော လက်ခံမလား၊ တကယ့်ပြောင်းလဲမှုကိုရော လုပ်ကြမလားဆိုတာတော့ လွှတ်တော်ရဲ့အခင်းအကျင်း အဆုံးအဖြတ်မှာပဲ ရှိပါတယ်။

မေး။   ။ လက်ရှိ သမ္မတဦးသိန်းစိန်ရဲ့ ပြည်တွင်းငြိမ်းချမ်းရေးဆွေးနွေးပွဲတွေကို ဘယ်လိုမြင်ပါသလဲ။

ဖြေ။    ။ အမျိုးသားညီညွတ်မှုမရှိရင် နိုင်ငံထူထောင်လို့မရဘူး၊ အမျိုးသားညီညွတ်မှုမရှိတော့ အမျိုးသားရေးစိတ်ဓာတ်လည်း မရှိတော့ဘူး။ အဲဒီကျရင် သူတစ်လူ၊ ငါတစ်မင်းနဲ့ ဖြစ်ကုန်မှာ၊ အချင်းချင်းမှ ယုံကြည်မှုမရှိရင် ဘာစီးပွားရေးမှလည်း မရှိနိုင်ဘူး၊ ငြိမ်းချမ်းရေးဆွေးနွေးရာမှာ ရိုးသားတဲ့ စေတနာပါဖို့လိုတယ်။ စေတနာမပါရင်တော့ ငြိမ်းချမ်းရေးမရနိုင်ဘူး၊ တိုင်းရင်းသားတွေနဲ့ တွေ့ဆုံဆွေးနွေးဖို့လိုတယ်။ တိုင်းရင်းသားတွေကို စကားလုံးအရ နှိပ်ကွပ်မယ်၊ အုပ်ချုပ်ရေး အရ နှိပ်ကွပ်မယ်ဆိုတဲ့ မရိုးသားမှုရှိရင် ငြိမ်းချမ်းမှု မရနိုင်ဘူး။ အဲဒီ့ ငြိမ်းချမ်းရေးဟာ သမ္မတ ဦးသိန်းစိန်ရဲ့ သမ္မတသက်တမ်းမှာရရင်တော့ အကောင်းဆုံးပေါ့။

မေး။    ။ Sanction(ပိတ်ဆို့မှု) တွေ ဖြေလျော့လိုက်မယ်ဆိုရင် မြန် မာနိုင်ငံရဲ့ စီးပွားရေးအခြေအနေဟာ ဘယ်လိုရှိ လာနိုင်ပါသလဲ။

ဖြေ။      ။ Sanction(ပိတ်ဆို့မှု) တွေ ဖြေလျော့လိုက်မယ်ဆိုရင်တော့ မြန်မာနိုင်ငံရဲ့ စီးပွားရေးဟာတစ်ဟုန်ထိုးတိုးတက် လာမယ်လို့ ပြောလို့မရဘူး။ နိုင်ငံတကာဈေးကွက်ထဲကို ထဲထဲဝင်ဝင်ရောက်သွားမယ်။ ဈေးကွက် အခွင့်အလမ်း ပိတ်ထားတဲ့ အခွင့်အလမ်းတွေပွင့်လာမယ်၊ စီးပွားရေးလုပ်ချင်တဲ့ ပြည်သူတွေအခွင့်အလမ်းပိုလာမယ်။ စက်ရုံအလုပ်ရုံတွေ ပေါလာတဲ့ အတွက် အလုပ်အကိုင်အခွင့်အလမ်းတွေပေါလာမယ်။ တစ်ဖက်မှာလည်း ဈေးကွက်စီးပွားရေး ဆိုတာကို ပီပြင်တဲ့ ဈေးကွက်စီးပွားရေးမျိုးဖြစ်အောင် ဥပဒေပြဌာန်းမှုတွေရှိဖို့ လိုအပ်တယ်၊  ဥပဒေကမှ အကာအကွယ် မပေးနိုင်ဘူးဆိုရင် ဝင်လာတဲ့ စက်ရုံအလုပ်ရုံတွေရဲ့ ဈေးကွက်တွေဟာ ၊ ရင်းမြစ်တွေဟာ လူတစ်စုချုပ်ကိုင်တဲ့ စီးပွားရေးပဲ ဖြစ်လိမ့်မယ်။

မေး။   ။ လူတစ်စုချုပ်ကိုင်တဲ့ စီးပွားရေးဖြစ်လာရင် ဘာတွေဖြစ်လာနိုင်ပါသလဲ။

ဖြေ။    ။ လူတစ်စုချုပ်ကိုင်တဲ့ စီးပွားရေးဖြစ်လာရင် ဆင်းရဲချမ်းသာကွာဟမှုကြီးမားလာလိမ့်မယ်။ ချမ်းသာတဲ့လူက ပိုချမ်းသာ၊ ဆင်းရဲတဲ့လူက ပိုဆင်းရဲသွားလိမ့်မယ်၊ အဲဒီကျရင် လူမှုရေးမကျေနပ်မှုတွေ၊ မငြိမ်မသက်မှုတွေ ပေါ်လာနိုင်တယ်။ ဒါ မျိုးတွေကို ကြိုတွက်ထားပြီး မျှတတဲ့ ဈေးကွက်အခင်းအကျင်းဖြစ်ရမယ်၊ အားလုံးပါဝင်တဲ့ ဈေးကွက်ဖြစ်ရမယ်။

မေး။   ။ ဆင်းရဲချမ်းသာကွာဟမှု မကြီးမားအောင် အစိုးရအနေနဲ့ ဘာတွေလုပ်သင့်ပါသလဲ။

ဖြေ။      ။ အစိုးရအနေနဲ့ နိုင်ငံတကာကဝင်ရောက်လာမယ့် ပူးပေါင်းဆောင်ရွက်မှုတွေကို အတိုင်းအတာတစ်ခုထိ လုပ်ပိုင်ခွင့်ပေးရမယ်။ အချိုးအစားအားဖြင့် အနည်းအကျဉ်းပေါ့၊ ပြည်သူတွေကို မျှတညီညွတ် တဲ့ ဝင်ငွေဖြန့်ဝေမှုဖြစ်အောင် လုပ်ပေးရမယ်။ တိုက်ရိုက် လူတွေကို ပိုက်ဆံမပေးနိုင်ပေမယ့် ကျန်းမာရေးဘက်မှာ အစိုးရက ပိုဂရုစိုက်ပေးရမယ်၊ ပညာရေးဘက်မှာအစိုးရက ပိုထည့်ဝင်ပေးရမယ်။ လူမှုဖူလုံရေးဘက်မှာလည်း ဒီအတိုင်းပဲ၊ အဲဒါဆိုရင် ဆင်းရဲချမ်းသာ ကွာဟမှုကျဉ်းလာမယ်။ လက်ဝါးကြီးအုပ်တဲ့ စီးပွားရေးမျိုးတွေမရှိအောင် အစိုးရက ကာကွယ်ပေးရမယ်။ အခွန်ကောက်တဲ့နေရာမှာလည်း လုပ်ငန်းတိုးတက်ဖို့ အားပေးတဲ့အခွန်ကောက်ခံမှုမျိုး ဖြစ်ရပါမယ်။ အခွန်ရရင်ပြီးရောဆိုပြီး အတင်းကောက်လို့မရပါဘူး။ အဲဒါဆိုရင် စီးပွားရေးဟာ တစ်ပြေးညီ၊ တစ်ပြိုင်နက် တိုးတက်လာဖို့ရှိပါတယ်။

မေး။      ။ EU နဲ့ အမေရိကန်တို့ရဲ့ မြန်မာနိုင်ငံနဲ့ဆက်ဆံရေးဟာ တိုးတက်လာပါပြီ၊ မြန်မာနိုင်ငံနဲ့ အိန္ဒိယ၊ တရုတ်၊ ရုရှားတို့ရဲ့ ဆက်ဆံရေးဟာရော ဘာတွေ ဖြစ်လာနိုင်ပါသလဲ။

ဖြေ။      ။ ဘယ်နိုင်ငံမဆို ကိုယ့်အမျိုးသားအကျိုးစီးပွားနဲ့ ယှဉ်ပြီးစဉ်းစားတာပဲ၊ အိန္ဒိယ၊ တရုတ်နဲ့ ရုရှား ဟာ မြန်မာနိုင်ငံပေါ်ပိတ်ဆို့ထားတဲ့ စီးပွားရေးတွေ ရုပ်သိမ်းသွားရင် ပြိုင်ဆိုင်မှုတွေ ပြင်းထန်လာမှာပါ။ သူတို့လည်း အမျိုးသားအကျိုးစီးပွားအတွက် ပထဝီဝင်နိုင်ငံရေးအရ ချုပ်ကိုင်မှု၊ သြဇာထူထောင်ဖို့အတွက် သော်လည်းကောင်း၊ စီးပွားရေးအတွက် သော်လည်းကောင်း၊ တစ်နည်းနည်းနဲ့တော့ သြဇာရှိအောင် လုပ်ကြမှာပါ၊ တရုတ်နဲ့အိန္ဒိယတို့ရဲ့ နည်းပညာဟာ အနောက်နိုင်ငံတွေနဲ့စာရင် နှစ် ၂ဝ၊ ၃ဝ လောက်နောက်ကျနေပါတယ်။ သူတို့ရဲ့ နည်းပညာကို မယူဘဲ အနောက်နိုင်ငံတွေရဲ့ နည်းပညာကိုယူသင့်တယ်၊ တရုတ်နဲ့အိန္ဒိယက နည်းပညာ သွားယူရင် နိုင်ငံရဲ့အနာဂတ်အကျိုးဟာ နှောင့်နှေးသွားနိုင်ပါတယ်။

မေး။   ။ ၂ဝ၁၄ မှာ မြန်မာနိုင်ငံရဲ့ အာဆီယံ ဥက္ကဌရာ ထူးဟာ ဘယ်လိုကောင်းကျိုးတွေရလာနိုင်ပါ သလဲ။

ဖြေ။     ။ အာဆီယံ ဥက္ကဌရာထူးရတယ်ဆိုတော့ နံပါတ် ၁ ဂုဏ်သိက္ခာအတွက်၊ နံပါတ် ၂ အာဆီယံ အ သိုက်အဝန်းလုပ်နေတဲ့ ပတ်သက်ဆက်နွယ်မှုတွေ၊ စည်းမျဉ်းစည်းကမ်းတွေ၊ လုပ်ထုံးလုပ်နည်းတွေ နိုင်ငံတကာဆက်ဆံရေးတွေ၊ အာဆီယံအဖွဲ့ကြီး ရဲ့သွားနေတဲ့ လုပ်ထုံးတွေကို သုံးစွဲရတော့မယ်၊ အဲဒီတော့ နိုင်ငံတကာက အကျိုးအမြတ်ရမယ်၊ သဘောကတော့ ဘာမှမသိသေးတဲ့လူက အတွေ့အကြုံရှိသွားတော့ လုပ်တတ်ကိုင်တက်လာမယ်၊ အဲဒီတော့ နိုင်ငံတကာဆက်ဆံရေးတွေပိုရလာမယ်။ နိုင်ငံတကာဈေးကွက်က မျက်စောင်းထိုးလာမယ်။ စီးပွားရေးအုပ်စုတွေ ရောက်လာတဲ့အခါ ဒီမှာ တစ်ခါတည်း ဆုံးဖြတ်လို့ရသွားတာပေါ့။

ဦးခင်မောင်ဆွေသည် ၁၉၈၈ မတိုင်မီ ရေနံအင် ဂျင်နီယာတစ်ဦးဖြစ်ခဲ့ပြီး၊ ၁၉၈၈ လူထုလှုပ်ရှားမှု တွင် ချောက် ရေနံမြေသပိတ်ကို ဦးဆောင်ခဲ့သည်။ အမျိုးသားဒီမိုကရေစီအဖွဲ့ချုပ် တည်ဆောက်စဉ် ကာလတွင် ဗဟိုအလုပ်အမှုဆောင်အဆင့်အထိ တာဝန်ယူခဲ့သည်။ ၂ဝ၁ဝ ရွေးကောက်ပွဲမဝင်ရောက်နိုင်ကြောင်း အမျိုးသားဒီမိုကရေစီအဖွဲ့ချုပ် မှဆုံးဖြတ်ခဲ့ပြီးနောက် – အမျိုးသားဒီမိုကရေစီ အဖွဲ့ချုပ်မှ နှုတ်ထွက်ခဲ့ပြီး၊ National Democratic Force(NDF) ကို ဒေါက်တာသန်းငြိမ်း နှင့်အတူ ဦးဆောင်ထူထောင်ခဲ့သည်။

၀၁၁

ဆက်စပ်သတင်းများ

ဟာကွက်တွေနဲ့ ရန်ကုန်ဘတ်စ်

ဟာကွက်တွေနဲ့ ရန်ကုန်ဘတ်စ်

ရန်ကုန်၊ ဇန်နဝါရီ ၂၀၊ ၂၀၁၇

သတင်းမျှဝေရန်

About Author

စာဖတ်သူ မှတ်ချက်များ (၀)

Comments are closed.