ကျန်းမာရေး သတင်း လူမှုရေးသတင်း ပြည်တွင်းသတင်း — နေပြည်တော်၊ ဒီဇင်ဘာ ၂၊ ၂၀၁၆


၂၀၁၆ – ၁၇ ဘဏ္ဍာနှစ်တွင် အိတ်ခ်ျအိုင်ဗွီ ကုဆေး ဝယ်ယူရန် အတွက် ယမန်နှစ်ထက် သုံးဆ သုံးစွဲ ရန် စီစဉ်ထားကြောင်း ကျန်းမာရေး ဝန်ကြီးဌာန ပြည်ထောင်စု ဝန်ကြီး ဒေါက်တာ မြင့်ထွေးက ယနေ့ World AIDS အထိမ်းအမှတ် အခမ်းအနားတွင် ပြောခဲ့သည်။

“အအာတီ ဆေးကုသရေးလုပ်ငန်း အတွက် ဆေးနှင့် ဆေးပစ္စည်းများ ဝယ်ယူ ဖြည့်တင်းရန် အမေရိကန် ဒေါ်လာ ၁၅ သန်းနဲ့ မူးယစ်ဆေး အစားထိုး မက်သာဒုန်း ဆေး တိုက်ကျွေးရေး လုပ်ပ်ငန်းများ ဆောင်ရွက်ရန် အမေရိကန် ဒေါ်လာတစ်သန်းတို့ ကို ရန်ပုံငွေ ခွဲဝေ ချထားပေးခဲ့ပါတယ်” ဟု ကျန်းမာရေး ဝန်ကြီးဌာနတွင် ပြုလုပ်ခဲ့သော့ World AIDS အထိမ်းအမှတ် အခမ်းအနားတွင် ၎င်းက ပြောခဲ့ခြင်း ဖြစ်သည်။

မြန်မာနိုင်ငံသည် ခုခံအားကျဆင်းရေး ရောဂါတိုက်ဖျက်ရေး လုပ်ငန်းများအတွက် ရန်ပုံငွေ ထည့်ဝင်မှုကို ၂၀၁၁ -၂၀၁၂ ဘဏ္ဍာနှစ်မှ စပြီး နှစ်စဉ် တိုးမြှင့် သုံးစွဲလာခဲ့ကြောင်း ၎င်းက ဆိုသည်။

၂၀၁၄ -၂၀၁၅ ဘဏ္ဍာနှစ်၏ သုံးစွဲမှုသည် ၂၀၁၀ – ၂၀၁၁ ဘဏ္ဍာနှစ်ထက် ၁၂ ရာခိုင်နှုန်းအထိ တိုးတက်လာသည်ဟု အိတ်ခ်ျအိုင်ဗွီ အေအိုင်ဒီအက်စ် ရောဂါဆိုင်ရာ အသုံးစရိတ် ဆန်းစစ် လေ့လာချကိ (National AIDS Spending Assessment) အရ သိရှိရသည်။

၂၀၁၅ -၁၆ တွင် အေအာတီ ဆေးကုသရေး လုပ်ငန်းအတွက် ဆေးနှင့် ဆေးပစ္စည်းများ ဝယ်ယူရန် အမေရိကန် ဒေါ်လာ ငါးသန်းနှင့် မူးယစ်ဆေး အစားထိုး မက်သာဒုန်းဆေး တိုက်ကျွေးရေး လုပ်ငန်းများ ဆောင်ရွက်ရန် အမေရိကန်ဒေါ်လာ တစ်သန်းခွဲဝေ ချထားပေးခဲ့ရာ အေအာတီ ဆေး အတွက် ယခုနှစ် သုံးစွဲရန် ရာထားချက်မှာ ယမန်နှစ်ကထက် သုံးဆရှိကြောင်းလည်း ဝန်ကြီးကပြောခဲ့သည်။

မြန်မာနိုင်ငံတွင် အိပ်ခ်ျအိုင်ဗီရောဂါပိုး ကူးစက်ခံနေရသူပေါင်း နှစ်သိန်းကျော် ရှိကြောင်း သိရပါသည်။ လူထုအတွင်း ဆက်သွယ် ဆောင်ရွက်ခြင်း၊ ပညာပေးခြင်း၊ ရောဂါပိုး ရှိမရှိ စစ်ဆေးပေးခြင်းနှင့် နှစ်သိမ့်ဆွေးနွေးခြင်း လုပ်ငန်းတို့မှ တစ်ဆင့် အေအာတီဆေး ရယူနေသည့် ရောဂါပိုး ကူးစက်ခံနေရသူ အရေအတွက်မှာ သုံးနှစ်အတွင်းမှာပင် နှစ်ဆကျော်လာခဲ့ပြီ ဖြစ်ကြောင်း သိရပါသည်။

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*