စီးပွားရေးသတင်း — ဂျီနီဗာ၊ မတ် ၁၊ ၂ဝ၁၃

ရဲရင့်သော စီးပွားရေးနှင့် နိုင်ငံရေး ပြုပြင်ပြောင်းလဲမှုများ ဆက်တိုက် ပြုလုပ်ခဲ့ပြီးနောက်တွင် ၂၂ ကြိမ် မြောက် ကမ္ဘာ့ စီးပွားရေးဖိုရမ်ကို အိမ်ရှင်အဖြစ် လက်ခံ ကျင်းပပြုလုပ်ရန် မြန်မာနိုင်ငံကို ရွေးချယ်လိုက်ကြောင်း သိရှိရသည်။

အဆိုပါ အရှေ့အာရှဆိုင်ရာ ကမ္ဘာ့စီးပွားရေး ဖိုရမ်တွင် ကမ္ဘာတစ် ဝန်းရှိ စက်မှုလုပ်ငန်း၊ အစိုးရ၊ ပညာရှင် အဖွဲ့နှင့် အရပ်ဖက် လူ့အဖွဲ့အစည်း များမှ ပထမတန်းစား နိုင်ငံတကာ အကြီးတန်း ဆုံးဖြတ်ချက်ချသူများ ၈ဝဝ ခန့် စုဝေး ကြမည်ဖြစ်ပြီး ဇွန် ၅ ရက်မှ ၇ ရက်အထိ မြန်မာနိုင်ငံ နေပြည်တော်တွင် ကျင်းပမည် ဖြစ်သည်။

အဆိုပါဖိုရမ်တွင် နိုင်ငံတကာမှ စီးပွားရေး လုပ်ငန်းပေါင်းစုံဆွေးနွေးပွဲများမှတစ်ဆင့် မြန်မာနိုင်ငံ၏ ပြုလုပ်ဆဲ ပြုပြင် ပြောင်း လဲမှုများနှင့် ပြန်လည် ရင်ကြားစေ့ရေး လုပ်ငန်းစဉ်ကို နားလည် သဘောပေါက်၍ လိုရာပုံဖော်နိုင်ရန် ရှားမှရှားသော အခွင့်အလမ်းတစ်ခုကို ရရှိမည်ဖြစ်သည်။ ထို့ပြင် ၂ဝ၁၄ တွင် အာဆီယံဥက္ကဋ္ဌ အဖြစ် မြန်မာနိုင်ငံ တာဝန်ယူသောအခါ ၂ဝ၁၅ တွင် စီစဉ်ထားသည့် အာဆီယံစီးပွားရေး ပူးပေါင်းမှုအတွက် ၁ဝ နိုင်ငံအုပ်စု ကို လမ်းညွှန်ရန် အဓိကအခန်းကဏ္ဍ တစ်ခုကို ရရှိမည်ဖြစ်သည်။ အစည်းအဝေးက အာဆီယံဒေသ တွင်းမှ တက်ရောက်သူများကို သာမက ကမ္ဘာ့စီးပွားရေး၏ ပထဝီနိုင်ငံရေးနှင့် ပထဝီ စီးပွားရေးတွင် အရေးပါသော မဏ္ဍိုင် အဖြစ် အာဆီယံကို ရှုမြင်ကြသူများကိုပါ အကျိုးရှိစေမည်ဖြစ်သည်။

“ပါဝင်မှုနှင့် ပေါင်းစည်မှု အတွက် ရဲရင့်သော ပြောင်းလဲမှု”ဟူသော အဓိက အကြောင်းအရာ အောက်တွင် အားလုံး ပါဝင်ပြောင်းလဲမှုကို ဖြစ်ပေါ်စေရေး၊ ဒေသတွင်း ပေါင်းစည်းမှုကို အကောင်အထည်ဖော်ရေးနှင့် တစ်ကမ္ဘာလုံး အရေအတွက် ဒေသတွင်း ဖြေရှင်းချက်များ စသည့် အကြောင်းအရာ ခွဲများကို ဆွေးနွေးကြ မည်ဖြစ်သည်။

ယခုကျင်းပမည့် အရှေ့အာရှ ဆိုင်ရာ ကမ္ဘာ့စီးပွားရေးဖိုရမ်ကို ကမကတပြုသူများမှာ ကုသလမဂ္ဂ ဖွံ့ဖြိုးရေး အစီအစဉ် (UNDP)အုပ်ချုပ် ရေးမှူး ဟယ်လင်အီးကလပ် (နယူးယောက်)၊ အဲအာရှ (Air Asia) ၏ အုပ်စု အမှုဆောင် အရာရှိချုပ် အန်ထော် နီအက်(ဖ)ဖာနန်ဒက်(ဇ) (မလေးရှား)၊ မစ်ဆူဘီရှိ ကော်ပိုရေးရှင်း အဖွဲ့ ဥက္ကဋ္ဌ ယိုရီဟီကိုဂျီးမား(ဂျပန်)၊ ပက်စ်စီ ကုမ္ပဏီဥက္ကဋ္ဌနှင့် အမှုဆောင် အရာရှိချုပ် အင်ဒရာနျူယီ (ယူအက်စ်အေ)၊ တာတာကုမ္ပဏီ အတိုင်ပင်ခံ လုပ်ငန်းအဖွဲ့မှ ဒုတိယဥက္ကဋ္ဌ ဆူဗရာ မေးနီးယန်း ရာမာဒိုရိုင်း (အိန္ဒိယ)နှင့် ဂျီအီးကုမ္ပဏီ ဒုဥက္ကဋ္ဌ ဂျွန်ရိုက်(စ) (ဟောင်ကောင် SAR) တို့ဖြစ်သည်။

ကမ္ဘာ့စီးပွားရေး ဖိုရမ်တွင် အရှေ့အာရှ အစည်းအဝေးနှင့်အတူ ကမ္ဘာ့ ခေါင်းဆောင်ငယ်များ ထိပ်သီးအစည်း  အဝေးကိုလည်း ဇွန် ၂ ရက်မှ ၇ ရက်အထိ ရန်ကုန်မြို့တွင် အိမ်ရှင်အဖြစ် လက်ခံကျင်းပသွားမည်ဖြစ်ပြီး စီးပွားရေး လုပ်ငန်း၊ အစိုးရ၊ အရပ်ဖက် အဖွဲ့အစည်း၊ အနုပညာနှင့် ယဉ်ကျေး မှု၊ ပညာရပ်ဆိုင်ရာနှင့် မီဒီယာ အပြင် လူမှုစွန့်ထွင် လုပ်ငန်းရှင်များမှ ကမ္ဘာ့ခေါင်းဆောင်ငယ်များ (Young Global Leaders-YGLS) ၂ဝဝ ကျော် ပါဝင် တက်ရောက်မည် ဖြစ်သည်။ အဓိက ဆွေးနွေးမည့် အကြောင်းအရာ များမှာ အရပ်ဖက် လူမှု အဖွဲ့အစည်းများ တိုးတက်ရေး၊ စီးပွားရေး ဖွံ့ဖြိုးမှု ရေရှည် တည်တံ့ရေးနှင့် လူငယ်မျိုးဆက်များနှင့် ထိတွေ့ ဆက်ဆံရေးတို့ ဖြစ်သည်။ YGLs  အစီအစဉ်တွင် အစိုးရ ကိုယ်စားလှယ်များ၊ စီးပွားရေး အသိုင်းအဝိုင်းများ၊ အရပ်ဖက် လူမှု အဖွဲ့အစည်း များနှင့် တွေ့ဆုံဆွေးနွေး မှုများ ပါဝင်မည်ဖြစ်ပြီး ဒေသခံ အဖွဲ့အစည်းများနှင့် အသိုက်အဝန်း များထံမှ လေ့လာရေး၊ အတူအလုပ်လုပ်၍ အတွေ့အကြုံ ဖလှယ်ရေးများလည်း ပါဝင်မည့် အပြင် အလုပ်ရုံဆွေးနွေးပွဲ များနှင့် အပြန်အလှန် အကြံပေး ကူညီခြင်းများလည်း ပါဝင်မည်ဖြစ်သည်။

မီဒီယာတက်ရောက်ခွင့်ကိုလည်း ဖွင့်လှစ်ထားပြီဖြစ်ရာ အစည်းအဝေး သတင်းများကို ရယူလိုပါက မေ ၁ဝ ရက် သောကြာနေ့ အတွင်း www.weforummedia.org သို့ အွန်လိုင်းမှ စာရင်းသွင်းနိုင်ကြောင်း၊ အရေအတွက် ကန့်သတ် ထားသဖြင့် နောက်ကျသော စာရင်းသွင်းသူများကို နေရာချထား ပေးရန် မဖြစ်နိုင်ကြောင်းနှင့် ဝင်ခွင့် ရသူများစာရင်းကို ဝက်ဘ်ဆိုက် တွင် ဖော်ပြပေးသွားမည်ဖြစ်ကြောင်း သိရှိရသည်။

Ref: weforum.org

ဝ၄ဝ

ဆက်စပ်သတင်းများ

အခွန်အကောက် ဥပဒေကြမ်း တင်သွင်း

အခွန်အကောက် ဥပဒေကြမ်း တင်သွင်း

နေပြည်တော်၊ ဖေဖော်ဝါရီ ၁၃၊ ၂၀၁၇

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*