တိုင်းရင်းသားသတင်း — မော်လမြိုင်၊ ဖေဖော်ဝါရီ ၁၃၊ ၂ဝ၁၃

၁၃၇၄ ခုနှစ်၊ တပို့တွဲ လပြည့်ကျော် ၁ ရက်(၂၆.၂.၂ဝ၁၃)တွင် ပြုလုပ် ကျင်းပမည့် ၆၆ ကြိမ်မြောက် “မွန်အမျိုးသားနေ့” အခမ်းအနားသည် ယခင်နှစ်များ နှင့်မတူ တစ်မူ ထူးခြားသော ဂုဏ်ဝိသေသများဖြင့် ပြည့်စုံသော အခမ်းအနား ဖြစ်သည်ဟု မွန်အမျိုးသားနေ့ ကျင်းပရေး ကော်မတီ(ဗဟို)နှင့် မွန်ပြည်နယ် အစိုးရ အဖွဲ့ရုံး၏ ထုတ်ပြန် ကြေညာချက်များ တွင် ဖော်ပြ ထားသည်။

မြန်မာနိုင်ငံ လွတ်လပ်ရေး မရမီ ၁၉၄၇ ခုနှစ်ကတည်းက စတင် ကျင်းပခဲ့သော မွန်တိုင်းရင်းသားများ၏ “မွန်အမျိုးသားနေ့” အခမ်းအနားများ ကို မွန်ပြည်နယ် အတွင်းရှိ မော်လမြိုင်၊ သထုံ၊ မုဒုံ၊ ကျိုက်မရော၊ ချောင်းဆုံမြို့နယ် ကမာပိုကျေး ရွာနှင့် ရေးမြို့နယ် (လမိုင်းမြို့)များမှာ သာမက ကရင်ပြည်နယ် အတွင်းရှိ မွန်တိုင်းရင်းသားများ နေထိုင်ရာ ကော့ကရိတ် မြို့နယ်အတွင်းရှိ ကော့ဘိန်း ကျေးရွာ ကဲ့သို့သော ကျေးရွာများ တွင်လည်း နှစ်စဉ်နှစ်တိုင်း ကျင်းပခဲ့သည်ဟု ယခု နှစ်မွန်အမျိုးသားနေ့ ကျင်းပရေး ကော်မတီ(ဗဟို) ၏ အတွင်းရေးမှူး ဖြစ်သူ “နိုင်လယီတမ”၏ ပြောကြားချက် အရ သိရပါသည်။

နှစ်စဉ်နှစ်တိုင်း ကျင်းပမြဲဖြစ် သော “မွန်အမျိုးသားနေ့” အခမ်းအနားကို ၁၉၉၆ ခုနှစ်၊ ၄၉ ကြိမ် မြောက်မှ စတင်၍ ဗဟို ကျင်းပရေး ကော်မတီ ဖွဲ့စည်းကာ အကြိမ် ၄ဝ ကြိမ်မြောက်မှ ၂ဝဝ၇ ခုနှစ် အကြိမ် ၆ဝ ထိကို ပြည်နယ်၏ မြို့တော် မော်လမြိုင်မှာ ကျင်းပပြုလုပ်ခဲ့ပြီး ၂ဝဝ၈ ခုနှစ်၊ ၆ဝ ကြိမ်မှ စတင်၍ မွန်ပြည်နယ်အတွင်းရှိ အခြား မြို့နယ်များနှင့် ကရင်ပြည်နယ်၊ ကော့ကရိတ် မြို့နယ် တို့တွင် အလှည့်ကျပြုလုပ် ကျင်းပခဲ့သည်ဟု “နိုင်လယီတမ” က ဖြည့်စွက်ပြောကြား သည်။

ယခုနှစ် ၆၆ ကြိမ်မြောက် မွန် အမျိုးသားနေ့ ကျင်းပရေးဗဟိုအခမ်း အနားကို မွန်ပြည်နယ်၊ ပေါင်မြို့တွင် ပြုလုပ် ကျင်းပရန် စီစဉ်ထားပြီး အခမ်းအနား အစီအစဉ်များ အတွက် မြို့မ အားကစားကွင်းတွင် စည်စည်ကားကား ပြုလုပ်ရန် စီစဉ် ထားသည်ဟု ပေါင်မြို့နယ် အုပ်ချုပ်ရေးမှူးကလည်း အတည်ပြုပြောဆိုပါသည်။

ဇန်နဝါရီ ၇ ရက်က မွန်ပြည် နယ်အစိုးရအဖွဲ့ရုံးတွင် ပြုလုပ်ခဲ့သော တွေ့ဆုံဆွေးနွေးပွဲအပြီးတွင် မွန်ပြည်နယ် အစိုးရအနေဖြင့် “မွန်အမျိုးသားနေ့ ကျင်းပရေး ဦးစီးကော်မတီ” ကို ဖွဲ့စည်းခဲ့ပြီး မွန်အမျိုးသားနေ့ကို ပြုလုပ် ကျင်းပရန် စီစဉ်ခဲ့ကြောင်း၊ ထို ပြည်နယ်အစိုးရ၏ စီစဉ်ပေးမှုနှင့် “ဦးစီးကော်မတီ” ဖွဲ့စည်းခြင်းအပေါ် မွန်အမျိုးသားနေ့ ကျင်းပရေး ကော်မတီ (ဗဟို) ၏ ကော်မတီဝင်များ၊ မွန်တိုင်းရင်းသားများနှင့် ပြည်သူလူထု တို့က ဗဟိုဦးစီးစနစ်ကို ကျင့်သုံးနေဆဲလားဟု မေးခွန်းများ ထွက်ပေါ်ခဲ့ပါသည်။

မွန်ပြည်နယ် အစိုးရ အဖွဲ့နှင့် မွန် အမျိုးသားနေ့ ကျင်းပရေး ဗဟိုကော်မတီတို့ အကြား ဇန်နဝါရီ ၁၅ ရက် က ဒုတိယ အကြိမ် တွေ့ဆုံကြပြီး နောက်ပိုင်းတွင် ပြည်နယ် အစိုးရ အနေဖြင့် “မွန်အမျိုးသားနေ့ ကျင်းပရေး ဦးစီး ကော်မတီ” ကို ပြန်လည် ဖျက်သိမ်းခဲ့ကြောင်း သိရှိရသည်။

မော်လမြိုင်မြို့တွင် ပြုလုပ် ကျင်းပသည့် မွန်အမျိုးသားနေ့ အခမ်းအနားသို့ မွန်ပြည်နယ် ဝန်ကြီးချုပ် ကိုယ်တိုင် တက်ရောက်မည် ဖြစ်ကြောင်း၊ ပေါင်မြို့နယ်တွင် ပြုလုပ် ကျင်းပသော ဗဟိုအခမ်းအနားကို မွန်ပြည်နယ် အစိုးရ အဖွဲ့မှ စီးပွားရေးနှင့် စီမံကိန်းဝန်ကြီး ဒေါက်တာ မင်းနွယ်စိုး တက်ရောက်မည်ဖြစ်ကြောင်းနှင့် မြို့နယ် အသီးသီးတွင် ပြုလုပ် ကျင်းပကြမည့် မွန်အမျိုးသားနေ့ အခမ်းအနားများသို့ မွန်ပြည်နယ် ဝန်ကြီးချုပ်၏ သဝဏ်လွှာကို ပေးပို့ ဖိတ်ကြားသွားမည် ဟုလည်း သိရှိ ရပါသည်။

မွန်တိုင်းရင်းသားတို့၏ မွန်အမျိုး သားနေ့ အခမ်းအနားကို ၁၉၄၇ ခုနှစ်၊ လွတ်လပ်ရေးမတိုင်မီကလည်းက မြန်မာနိုင်ငံရှိ မွန်ပြည်နယ်နှင့် ကရင် ပြည်နယ် များတွင် သာမက ထိုင်း (ယိုးဒယား)၊ မလေးရှား၊ စင်ကာပူ၊ နော်ဝေ၊ အင်္ဂလန်နှင့် အမေရိကန် နိုင်ငံများမှာလည်း မွန်တိုင်းရင်းသားများသည် အစဉ်အလာ မပျက် နှစ်စဉ် ပြုလုပ် ကျင်းပခဲ့ကြပါသည်။

 

ဝ၈၄

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*