ငန်းရိုင်းများ(ကျော်အောင်)၊ ပထမအကြိမ်၊ စာမျက်နှာ ၅၀၈၊ တန်ဖိုး ၅၀၀၀၊ လောကသစ်စာပေ

ငန်းရိုင်းများ(ကျော်အောင်)၊ လောကသစ်စာပေ၊ ၂၀၁၂ ခုနှစ်၊ အောက်တိုဘာ၊ ပထမအကြိမ်၊ စာမျက်နှာ ၅၀၈၊ တန်ဖိုး ၅၀၀၀ ကျပ်

ဆရာကျော်အောင်၏ ဘာသာပြန်လက်ရာသစ်အဖြစ် ငန်းရိုင်းများကို လောကသစ်စာပေမှ ပထမအကြိမ် ထုတ်ဝေလိုက်သည်။ တရုတ်စာရေးဆရာမ Jong Chang ၏ နာမည်ကျော် Wild Swans ကို ပြန်ဆိုထားခြင်း ဖြစ်ပြီး ပြန်ဆိုရေးသားပြီးစီးချိန်မှ ယခုထွက်ရှိလာချိန်အထိ ၁၅ နှစ်ကြာ ဆိုင်းငံ့ခဲ့ရသော စာအုပ်တစ်အုပ်လည်း ဖြစ်သည်။

၁၉၀၉ မှ ၁၉၈၉ ကာလများအတွင်း ရှင်သန်ဖြတ်သန်းခဲ့ရသော တရုတ်မိသားစုမျိုးနွယ်တစ်ခု၏ အကြောင်းကို အဓိက ဇာတ်လမ်းဖွဲ့ထားခြင်းဖြစ်ပြီး မူရင်း စာရေး Jong Chang ၏ ဖြစ်ရပ်မှန်ဟုလည်း ဆိုနိုင်သည်။ စစ်မင်းဗိုလ်ချုပ်တစ်ဦး၏ ကိုယ်လုပ်တော်ဖြစ်ခဲ့ရပြီး နောင်တွင် မန်ချူးလူမျိုးဒေါက်တာရှီယာ၏ ဇနီးဖြစ်ခဲ့သည့် အဖွားဖြစ်သူ ယုဖန်၊ ယင်းနှင့်စစ်မင်းဗိုလ်ချုပ် ဆူးကျိဟန်တို့၏ ရင်သွေးသမီးဖြစ်သူ ပိုချင်နှင့်ကွန်မြူနစ် ပါတီအရာရှိတစ်ဦးဖြစ်သူ ရဲဘော်ဝမ်၊ ပိုချင်နှင့် ဝမ်တို့၏ ရင်သွေးများဖြစ်သော ရှောက်ဟောင်၊ အားဟောင်၊ ကျင်မင်း၊ ရှောက်လာ၊ ရှောက်ဖန်တို့ မိသားစုမျိုးနွယ်စဉ်ဆက်၏ နှစ်ပေါင်း ၈၀ ကြာ ဖြတ်သန်းခဲ့ရသော ဘဝမှတ်တမ်းလည်း ဖြစ်သည်။ ဇာတ်ဆောင်တို့၏ ဇာတ်လမ်းနောက်ကွယ်မှ တရုတ်နိုင်ငံ၏ နိုင်ငံရေး၊ စီးပွားရေး၊ တော်လှန်ရေး၊ လူမှုရေးစသည့် တရုတ်နိုင်ငံသမိုင်း၏ ဖြစ်ရပ်မှန်တချို့လည်း ဇာတ်ဆောင်တို့နှင့် အပြိုင် လှုပ်ရှားနေသည်ကို တွေ့မြင်ရမည်ဖြစ်သည်။

ဇာတ်လမ်းဖန်တီးမှုမှာမူ မိသားစုမျိုးရိုးစဉ်ဆက် နှစ်ကာလများအတိုင်း ရိုးရိုးစင်းစင်းမှတ်တမ်းတင် ထားခြင်းဖြစ်သော်လည်း နှစ်ပေါင်း  ၈၀ ကာလအတွင်း လှုပ်ရှားပြောင်းလဲခဲ့သည့် တရုတ်နိုင်ငံ၏ နောက်ခံကား ချပ်များကြောင့်၊ ဇာတ်ဆောင်တို့၏ ဘဝဇာတ်ခုံအဖုံဖုံသည်ပင် ရုပ်လုံြးွကနေခဲ့သည်။ တရုတ်ပြည်သူတို့၏ ရိုးသားသော၊ သဘာဝကျနေသော လူမှုဘဝကို တောင့်တမှုများသည် ဤဝတ္ထုတွင် ပေါ်လွင်နေခဲ့သည်။ စာရေးသူ၏ အပိုအလိုမပါသော ရိုးရိုးစင်းစင်းဇာတ်ကြောင်း ပြောဟန်သည်ပင် တရုတ်ပြည်သူတို့၏ ပုံရိပ်ကို ပေါ်လွင်နေစေသည်။

တရုတ်နိုင်ငံ၏ ခေတ်သစ်သမိုင်းတွင်လည်း ဤ ၁၉၀၉ မှ ၁၉၈၉ ထိ နှစ်ပေါင်း ၆၀ ကာလသည် လှုပ်ရှားပြောင်းလဲမှုအများဆုံးနှင့် သမိုင်းဝင်ဖြစ်ရပ်အများဆုံး ကာလလည်းဖြစ်သည်။ ဤကာလအတွင်း ကြုံတွေ့ဖြတ်သန်းကြရသော  တရုတ်ပြည်သူတို့၏ ဘဝသည်လည်း စိတ်အားတက်ြွကမှုများ၊ တော်လှန် ပြောင်းလဲလိုစိတ်များအကြား လှုပ်ရှားဖြတ်သန်းခဲ့ကြရပြီး စုံလုံးကန်း ယုံကြည်မှုများ၊ လက်တွေ့နှင့်ဝေးကွာ သော စနစ်များအား ရင်ဆိုင်ခဲ့ ကြရသည်လည်း ဖြစ်သည်။ အာဏာရှင်ဆန်သော စနစ်တစ်ခု၏ ဖိနှိပ်ကန့်သတ်မှုများအကြား ရှင်သန်ရခြင်း၏ လူမှုဒုက္ခအဝ၀ကိုလည်း တွေ့မြင်ရသည်။

အစဉ်အလာကြီးမားခိုင်ခံ့လှသော တရုတ်နှင့်မန်ချူးလူမျိုးတို့၏ ရိုးရာဓလေ့ထုံးတမ်းများအကြား ပိတ်မိနေခဲ့သည့် အဖွားဖြစ်သူ၊ ကိုယ်လုပ်တော် ယုဖန်၏ ဘဝနှင့် စတင်ထားသည်။ ထိုစဉ်က တရုတ်နိုင်ငံ တစ်ခုလုံးပိုင်ဆိုင်ရာ စစ်မင်းများ အာဏာယစ်မူးနေကြချိန်၊ နောက်ဆုံး ဧကရာဇ်ပုရီကို နန်းချပြီး တရုတ် ပြည်သူ့သမ္မတနိုင်ငံတည်ထောင်ချိန်၊ ဒုတိယကမ္ဘာစစ်ကာလဂျပန်တို့ မန် ချူးရီးယားကို လက်အောက်ခံနိုင်ငံ တစ်ခုအဖြစ် လွှမ်းမိုးထားချိန်ကာလ များသည် အဖွားဖြစ်သူ၏ အဓိကဇာတ်ဝင်ခန်းများဖြစ်သည်။ စာရေးသူ၏ မိခင်ဖြစ်သူ ပိုကျင်နှင့် ခင်ပွန်း ရဲဘော်ဝမ်တို့၏ ဇာတ်ဝင်ခန်းများမှာမူ လှုပ်ရှားမှု ပိုမိုစုံလင်ထွေပြားလာသည်။ ကူမင်တန် ညွန့်ပေါင်းအစိုးရနှင့် ဒုတိယကမ္ဘာစစ်ပြီးကာလ ခရီးရှည်ချီတက်ပွဲနှင့် ကွန်မြူနစ်ပါတီလှုပ်ရှားမှုအစ၊ အစစအရာရာနိမ့်ကျချိန်များသည် ဒုတိ မျိုးဆက်တစ်ခု၏ အစဦးကာလဖြစ်သည်။

မည်သည့်အယူဝါဒမဆို ခေတ်ကာလလူထု၏ အရည်အသွေးခံစားမှုနှင့် လျော်ညီစွာ ပေါ်ထွန်း လာရစမြဲဖြစ်သော်လည်း အချိန်အခါ၊ လူထု၏ ပညာဥာဏ်ရည်နှင့်လိုက်လျောညီထွေစွာမြှင့်တင်ခြင်း၊ ပြောင်း လဲခြင်း မပြုလုပ်နိုင်ပါက အတိုင်းအဆမဲ့သော ပြောင်းပြန်အကျိုးသက်ရောက်မှုများ ကြုံတွေ့ရနိုင်သည်။ ဤစာအုပ်ပါ ဒုတိယမျိုးဆက်၏ နှောင်းပိုင်းကာလသည်လည်း ဤကဲ့သို့ပင်ကြုံတွေ့ခဲ့ရသည်။ ကွန်မြူနစ် ပါတီဝင် အထက်တန်း၊ အလယ် တန်း အရာရှိများဖြစ်သော်လည်း အသိပညာကို နှစ်လိုသည့် ပိုကျင်နှင့် ရဲဘော်ဝမ်တို့၏ မိသားစုဘဝသည် အတွေးအခေါ်တစ်ခုကို ပုံစံရိုက်သွင်းလိုသော ဆင်ခြင်ဥာဏ်ပညာမဲ့သည့် ဝန်းကျင်အတွင်း ခါးသီးခဲ့ရသည်။ မြေယာတော်လှန်ရေး၊ လက်ယာဂိုဏ်းဝင်ဖော်ထုတ်ပွဲ၊ တန်ပြန်တော်လှန်ရေး သမားများကို အရေးယူခြင်း၊ ဆင်ခြင်ဥာဏ်မဲ့သည့် စီးပွားရေး၊ ပညာရေး၊ ယဉ်ကျေးမှု တော်လှန်ရေးစသည့် မျိုးစုံသော ခေါင်းစဉ်အောက်တွင် နိုင်ငံတစ်နိုင်ငံ၏ အသိပညာရှင်၊ အတတ်ပညာရှင်များ၊ တိုင်းပြည်၏ သား ကောင်းများစွာ လွင့်ပါးခဲ့ကြရသည်။ တော်လှန်ရေးခေါင်းဆောင်များမှလည်း အခွင့်ထူးခံအာဏာရှင်များ ပေါ်ထွက်လာခြင်းသည်ပင် ကွန်မြူနစ်ဝါဒ၏ ဘေးထွက်ဆိုးကျိုးတစ်ခုလည်း ဖြစ်ခဲ့ရသည်။

ယဉ်ကျေးမှုတော်လှန်ရေးနှင့် တပ်နီလူငယ်များဟူသော ဝေါဟာရများကာလတွင် တတိယမျိုးဆက် ရင်သွေးများဖြတ်သန်းခဲ့ကြရသည်။ လူသားတို့၏ စိတ်ကို အကြွင်းမဲ့ ညှို့ယူလှုံ့ဆော်နိုင်စွမ်းသော အာဏာ ရှင်တစ်ဦး၏ လက်ထက်တွင် အတိုင်းမသိ ရင်နာဖွယ်နစ်နာဆုံးရှုံးမှုတို့ ကြုံတွေ့ခဲ့ရသည်။ လူသားတို့၏ တစ်ကိုယ်ရည်ဖြစ်တည်မှုနှင့် တစ်ကိုယ်ရည်ခံစားချက်များကိုပင် မြှုပ်နှံထားခဲ့ရပြီးနောက် ၁၉၈၉  တိန့်အန်မင်အရေးအခင်းအကြိုကာလတွင် အဆုံးသတ်ထားသည်။ ဝတ္ထုတစ်အုပ်လုံးတွင် အမျိုးမျိုးသော ကန့်သတ်ချုပ်ချယ်မှုအောက်မှ တရုတ်ပြည်သူတို့၏ ခံစားချက် အဖုံဖုံသည် ရုပ်လုံးကြွနေခဲ့သည်။

မည်သို့ဆိုစေ အဆုံးအဖြတ်ပေးနိုင်သော အချိန်ကာလကို ဖြတ်သန်းပြီးသည့်နောက် မျှော်လင့်ချက် ရောင်ခြည်သည် မြန်မာစာဖတ်သူ တို့၏ မနီးယိုးစွဲသော ခံစားမှုများအတွက် နှစ်သိမ့်ဖွယ်ဆင်ခြင်ဖွယ် လည်းဖြစ်သည်။ မူရင်းဝတ္ထုသည် ဖုံးလွှမ်းထားသော ခြုံလွှာနီအောက်မှ ဘဝများကို မြင်သာအောင် လှစ်ဟ ထားသကဲ့သို့ ဆရာကျော်အောင်၏ နောက်ဆုံးလက်ရာသစ်ကို ဖတ်ရှုရင်း မြန်မာစာဖတ်ပရိသတ်သည်လည်း သူ့အနာကိုယ့်အနာမျှဝေ ခံစားနိုင်မည်ဟု ယူဆသည်။ စာပေမြတ်နိုးသူတို့၏ စာအုပ်စင်တွင်ရှိ ထိုက်သော စာ အုပ်ကောင်းတစ်အုပ်ပင်ဖြစ်သည်။

ယဉ်ကျေးမှုတော်လှန်ရေး မတိုင်မီကဆိုလျှင် လူတစ်ယောက် ကို ကိုယ်ထိလက်ရောက်ညှဉ်းပန်း နှိပ်စက်ခြင်းကိုတားမြစ်သည်။ ယခု မူ ပုလိပ်အကြီးအကဲက”လူတွေကို သေအောင်ရိုက်တာ မကြိုက်ပါဘူး။ ဒါပေမယ့် အချို့ (တပ်နီလူငယ်)က သူလိုလူတန်းစားရန်သူကို မုန်းတီး ရွံ့ရှာကာ သေအောင်သတ်ချင်သည် ဆိုလျှင်တားဆီးရန် မကြိုးစားနှင့်” ဟု သူ့လူများကို မှာကြားသည်။ (စာ-၃၂၄)

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*