တိုင်းရင်းသားသတင်း ပြည်တွင်းသတင်း — နေပြည်တော်၊ ဖေဖေါ်ဝါရီ ၂၄၊ ၂၀၁၇

ငြိမ်းချမ်းရေး လုပ်ငန်းစဉ်များ ရန်ပုံငွေဆိုင်ရာ ပေါင်းစပ်ညှိနှိုင်းရေး အဖွဲ အစည်းအဝေးကို အဲဒီအဖွဲ့ ဥက္ကဋ္ဌ နိုင်ငံတော်၏ အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည် တက်ရောက် ခဲ့ပါတယ်။ အဲဒီ အစည်းအဝေးကို ဖေဖေါ်ဝါရီလ ၂၃ ရက်နေ့ မနက် ၁၀ နာရီက နေပြည်တော်မှာရှိတဲ့ အမျိုးသား ပြန်လည် သင့်မြတ်ရေးနှင့် ငြိမ်းချမ်းရေး ဗဟိုဌာန အစည်းဝေးခန်းမမှာ ကျင်းပ ပြုလုပ်ခဲ့တာပါ။

အဲအစည်းအဝေးမှ ငြိမ်းချမ်းရေး လုပ်ငန်းစဉ်တွေနဲ့ ပတ်သက်ပြီး အောက်ပါ အချက်တွေကို သဘောတူ ဆုံးဖြတ် နိုင်ခဲ့ပါတယ်။

(၁) အထူးကိစ္စရပ် အနေဖြင့် JCB ဖွဲ့စည်းမှုတွင် အစိုးရဘက်မှ (၁၀) ဦး (ဥက္ကဌ နှင့် အဖွဲ့ဝင် ၉ ဦး)၊ တိုင်းရင်းသား လက်နက်ကိုင် အဖွဲ့အစည်းများဘက်မှ (၁၀) ဦး ဖြင့် ပြင်ဆင်ဖွဲ့စည်းပြီး JCB လုပ်ငန်း လမ်းညွှန်တွင်လည်း ယင်းဖွဲ့စည်းမှု အတိုင်း ပြင်ဆင်ရန်၊
(၂) အမျိုးသားပြန်လည် သင့်မြတ်ရေးနှင့် ငြိမ်းချမ်းရေး ဗဟိုဌာန NRPC ၏ အဆိုပြု တင်ပြချက် အမေရိကန် ဒေါ်လာ (၂.၅) သန်းကို ခွင့်ပြုရန်၊
(၃) ပစ်ခတ် တိုက်ခိုက်မှု ရပ်စဲရေးဆိုင်ရာ ပူးတွဲစောင့်ကြည့်ရေး ကော်မတီ (JMC) အား UN Platform ဖြင့် ပံ့ပိုးကူညီခွင့် ပြုရန်၊ JMC အတွက် လိုအပ်ချက် အမေရိကန်ဒေါ်လာ (၆.၅)သန်းနှင့် JMC အတွက် ထောက်ပံ့ ကူညီမှုများ ရှာဖွေရာတွင် Single Channel မထားဘဲ ဆောင်ရွက်ရန်၊
(၄) NCA လက်မှတ် ရေးထိုးပြီးသော တိုင်းရင်းသား လက်နက်ကိုင် အဖွဲ့အစည်းများ၏ CT Office အတွက် လိုအပ်ချက် အမေရိကန်ဒေါ်လာ (၄.၇)သန်း ခွင့်ပြုရန်၊
(၅) ငြိမ်းချမ်းရေး အထောက်အကူပြု ဖွံ့ဖြိုးရေး ကဏ္ဍ အတွက် ထောက်ပံ့ကူညီမှုများ ဆောင်ရွက်နိုင်ရန် အတွက် JCB မှ တာဝန်ယူ ဆောင်ရွက်ရန်၊ ဆောင်ရွက်မည့် အစီအစဉ် ကို နှစ်ဖက် ကိုယ်စားလှယ်များ အကြား ကြိုတင် ဆွေးနွေးပြီး JCB အစည်းအဝေးသို့ ပြန်လည် တင်ပြရန်၊
(၆) အမျိုးသားအဆင့် နိုင်ငံရေး ဆွေးနွေးပွဲများ ကျင်းပ ပြုလုပ်ခြင်း အတွက် NRPC မှ ခွင့်ပြု ရန်ပုံငွေကို အမြင့်ဆုံး နှုန်းထား ကျပ်သိန်း (၆၀၀) သတ်မှတ်ရန်၊ တိုင်းဒေသကြီးနှင့် ပြည်နယ်များတွင် အမျိုးသားအဆင့် နိုင်ငံရေး ဆွေးနွေးပွဲများ ကျင်းပရာ၌ တစ်နေရာနှင့် တစ်နေရာ အသုံးစရိတ် ရန်ပုံငွေပေါ် မူတည်၍ အဆင့်အတန်း ကွာဟမှု မရှိစေရေး အလေးထား ဆောင်ရွက်ရန်။ တို့ဖြစ်ပါတယ်။

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*