ပြည်တွင်းသတင်း — ရန်ကုန်၊ ဒီဇင်ဘာ ၂၂၊ ၂ဝ၁၂

လာမည့်နှစ် ဇန်နဝါရီမှ စတင်၍ အမှိုက်များစွန့်ပစ်ရာဖြစ်သော ဝါးကပ်ကန်၊ အုတ်ကန်များကို ဖျက်သိမ်း၍ ယင်းတို့နေ ရာတွင် နိုင်ငံတကာ ပုံစံအတိုင်း ၆၆ဝ လီတာ ၂၄ဝ လီတာ အမှိုက်ပုံး အစိမ်းကြီးများကို ချထားပေး ၍ ပြောင်းလဲ သုံးစွဲသွားရန် ဆောင်ရွက်နေကြောင်း ရန်ကုန်မြို့တော် စည်ပင်သာယာရေးကော်မတီ ပတ်ဝန်းကျင်နှင့် သန့်ရှင်းရေးဌာန၊ ဒုဌာနမှူး ဦးခင်ဝင်းက ပြောကြားသည်။

၂ဝ၁၃ ခုနှစ် ပထမလ အတွင်း၌ ရန်ကုန်မြို့တွင်းရှိ ဝါးကပ်အမှိုက် ကန် ၂ဝဝ ကျော်၏နေရာတွင် အမှိုက်ပုံးများ ချထား သုံးစွဲမည်ဖြစ်ပြီး ယင်းအသုံးပြုမည့် ဂျာမဏီနိုင်ငံထုတ် ၆၆ဝ လီတာ အမှိုက်ပုံး ၈ဝဝ နှင့် ၂၄ဝ လီတာပုံး ၁၈၇ဝ သည် ဇန်နဝါရီလတွင် ရောက်ရှိမည် ဖြစ်ကြောင်း သိရသည်။

ဝါးကပ် အမှိုက်ကန်များတွင် ချပေးပြီး ပိုနေသည့်အမှိုက်ပုံးများကို မြို့တွင်းရှိ လိုအပ်သည့်နေရာများတွင် အသုံးပြုရန် ချထားပေးမည် ဖြစ်ကြောင်း၊ ဝါးကပ်ကန်များ ဖျက်သိမ်းပြီးနောက် အုတ်အမှိုက်ကန်များ ကိုလည်း ဖျက်သိမ်း၍ အမှိုက်ပုံးစနစ် အစားထိုးအသုံးပြုမည်ဖြစ်ကြောင်း၊ ယင်းအမှိုက်ပုံးများကို သယ်ယူပြီး အမှိုက် အလွယ်တကူ စွန့်ပစ်ရန် ကွန်ဗက်တာကား အစီး ၄ဝ ကို လာမည့်ဘဏ္ဍာနှစ်တွင် ဝယ်ယူရန် တင်ပြဆောင်ရွက် ထားကြောင်း ဦးခင်ဝင်း က ပြောသည်။

ရန်ကုန်မြို့တွင် နောက်ဆုံး၌ အမှိုက်ပုံးစနစ်နှင့် အမှိုက်သယ်သည့် ကားစနစ်သာ ရှိအောင် ဆောင်ရွက်ပြီး ယင်းစနစ်၏ အားသာချက်ကို ဦးခင်ဝင်းက “ဒီအမှိုက်ပုံး စနစ်က နိုင်ငံတကာမှာလည်း ဒီစနစ်ပဲ ဒီဟာရဲ့ အားသာချက်က အမှိုက်ပုံးတွေရဲ့ ဘေးမှာ သူ့ကို သယ်တဲ့ကားလာရင် ချိတ်သယ်ပြီး အမှိုက်စွန့်ပစ်ဖို့ ဘုလုံး မည်းမည်းတွေ ပါတယ်။ သူ့ကို သယ်ဖို့ကားဝယ်ပြီးရင် အမှိုက်စွန့်တဲ့နေရာမှာ လူပါတဲ့ လုပ်အားမသုံးရ တော့ဘူး။ အမှိုက်ပုံး ဆိုတာကလည်း အဖုံးပါတော့ အနံ့အသက် လုံတယ် ပေါ့။ အဲဒီလို အခြေခံ အားသာချက်တွေ ရှိပါတယ်”ဟု ပြောကြားခဲ့သည်။

ယင်းစနစ်ကြောင့် သက်သာ သွားသည့် လူပါသည့် လုပ်အားများကို အချို့လမ်းသွယ်ရှိ  အမှိုက်သိမ်း စနစ်  ဆောင်ရွက်မှုများတွင် ယခင်ကထက် ပိုမိုဆောင် ရွက်နိုင်မည် ဖြစ်ပြီး ရန်ကုန်မြို့တွင်း အမှိုက်စွန့်ပစ် ထွက်ရှိ နှုန်းမှာ တစ်နေ့လျှင်တန် ၁၆ဝဝ ပတ်ဝန်းကျင်ထွက်ရှိကြောင်း သိရသည်။ သန့်ရှင်းရေး ဆောင်ရွက်ခ နှုန်းထား များကို ရန်ကုန်မြို့၊ လင်းစ ဒေါင်းမြို့နယ် ၆ ခုဖြစ်သည့် ကျောက်တံတား၊ ပန်းဘဲတန်း၊ လမ်းမတော်၊ လသာ၊ ဗိုလ်တထောင်၊ ပုဇွန်တောင် တို့တွင် ယခင်မူလနှုန်းထားအတိုင်း ၁၈ဝဝ ကျပ်ကောက်ခံမည်ဖြစ်ပြီး ဆက်စပ် ၉ မြို့နယ်ဖြစ်သည့် ဒဂုံ၊ အလုံ၊ ကြည့်မြင်တိုင်၊ စမ်းချောင်း၊ ဗဟန်း၊ မင်္ဂလာတောင်ညွန့်၊ တာမွေ၊ ရန်ကင်း၊ ကမာရွတ် မြို့နယ်များသည် လင်းစဒေါင်းမြို့နယ်များအတိုင်း လူနေမှု အဆင့်အတန်းတူညီပြီး ထွက်ရှိသည့် အမှိုက်နှုန်းထား တူညီသဖြင့် ယခင် သန့်ရှင်းရေး ဆောင်ရွက်ခ ၁၃၅ဝ ကျပ် ကောက်ခံရာမှ ၁၈ဝဝ ကျပ်သို့ ပြင်ဆင် သတ်မှတ်လိုက်သည်။ ကျန်ရှိသည့် ရန်ကုန်မြို့ရှိ ဆင်ခြေဖုံးရပ်ကွက်မြို့နယ်များကို ယခင် သန့်ရှင်းရေးဆောင်ရွက်ခ ၉ဝဝ ကျပ်မှ ၁၃၅ဝ ကျပ်သို့ ပြင်ဆင် လိုက်ကြောင်း သိရသည်။

ယင်းကဲ့သို့ သန့်ရှင်းရေးဆောင်ရွက်ခ သတ်မှတ်ပြင်ဆင်ခြင်းသည် ကုန်ကျနေသော အမှိုက်သိမ်းလျှင် သုံးစွဲသည့် အဆင့်မြင့်စနစ်များအတွက် အနည်းနှင့်အများ အထောက်အပံ့ ဖြစ်လာနိုင်ပြီး ယခင်က သန့်ရှင်းရေး ဆောင်ရွက်ခ ဥပမာအားဖြင့် ၆ ကျပ် ကုန်ကျပါက ပြည်သူ့ထံကောက်ခံ ရရှိမှု ၁ ကျပ်ရရှိလျှင် ကျန် ၅ ကျပ်နှုန်း ကို စည်ပင်သာယာ ကော်မတီက စိုက်ထုတ်သုံးစွဲခဲ့ကြောင်း၊ ယခု ပြောင်းလဲ ပြင်ဆင်သည့် နှုန်းထားသည် သင့်တင့်သည့် နှုန်းထားဖြစ်ကြောင်း အဆိုပါ ဌာနမှူး၏ပြောကြားချက် အရ သိရသည်။

ဝဝ၅

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*