လူမှုရေးသတင်း ပြည်တွင်းသတင်း — ရန်ကုန်၊ ဧပြီ ၂၉၊ ၂ဝ၁၂

နိုင်ငံရေး အကျဉ်းသားဟောင်းများအဖွဲ့ (နိုင်/ ကျဉ်း)၏ ဥပဒေရေးရာ ဆွေးနွေးပွဲတစ်ရပ်ကို ၂ဝ၁၂ ခုနှစ်၊ ဧပြီ ၂၉ က ဗဟန်းရွှေဂုံတိုင်ရှိ တော်ဝင်နှင်းဆီတွင် နေ့လယ် ၁ နာရီမှ ညနေ ၃ နာရီအထိ ကျင်းပရာ ၂ဝဝ၈ ခုနှစ် ဖွဲ့စည်းအုပ်ချုပ်ပုံ အခြေခံဥပဒေပြဋ္ဌာန်းစာအုပ်တွင် ဖော်ပြထားသည့် အခန်း ၁ဝ နိုင်ငံရေးပါတီများ ဖွဲ့စည်းခြင်း၊ အခန်း ၁၂ ဖွဲ့စည်းပုံ အခြေခံဥပဒေပြင်ဆင်ခြင်းနှင့် ဇယား ၄ ပါ ကတိသစ္စာပြု ချက် (သို့မဟုတ်) ကျမ်းသစ္စာဆိုချက် ပုံစံတို့ကို သုံးသပ်ဆွေးနွေးခဲ့ကြောင်း သိရသည်။

အဆိုပါ ဆွေးနွေးပွဲတွင် ပြည်တွင်းမီဒီယာများနှင့် ပြည်သူလူထုအတွင်း အငြင်းပွားနေသည့် ၂ဝဝ၈ ဖွဲ့စည်းအုပ်ချုပ်ပုံ အခြေခံဥပဒေကို ကာကွယ်စောင့်ရှောက်ပါမည် ဟူသော စကားရပ်နှင့် ၂ဝဝ၈ ဖွဲ့စည်းအုပ်ချုပ်ပုံ အခြေခံ ဥပဒေကို လေးစားလိုက်နာပါမည်ဟူသော စကားရပ်တို့၏ အဓိဋ္ဌာန်ဖွင့်ဆိုချက်နှင့် ဝေါဟာရအသုံးအနှုန်းနှစ်ရပ် အပေါ် အဓိပ္ပာယ်ကောက်ယူ မတူညီခြင်းတို့အပေါ် သုံးသပ်ဆွေးနွေးခဲ့ကြသည်။ ၂ နာရီကျော်ကြာမြင့်သည့် ၎င်းဆွေးနွေးပွဲတွင် အဓိက ဦးဆောင်ဆွေးနွေးခဲ့သည့် နိုင်/ ကျဉ်းအဖွဲ့မှ ဘဏ္ဍာရေးမှူး ဖြစ်သူ ဦးကျော်အောင်က ၎င်းင်းဆွေးနွေးခဲ့သည့် အကြောင်းအရာနှင့် ပတ်သက် ၍ မြန်မာအင်ဒီပဲန်ဒင့် သို့ ပြောကြားရာတွင်““ဒီစကားလုံးကို ဘယ်လိုပဲ အဓိပ္ပာယ်ဖွင့်ဖွင့် မြန်မာလွှတ်တော်ဆိုတော့ မြန်မာဝေါဟာရအရပဲ အဓိပ္ပာယ်ဖွင့်ရမှာဖြစ်တယ်။ “ကာကွယ် စောင့်ရှောက်”နဲ့“လေးစား လိုက်နာ”ဆိုတဲ့ စကားလုံးနှစ်လုံးက အဓိပ္ပာယ်အားဖြင့် တော်တော်လေးကွာခြားပါ တယ်။ ကာကွယ်စောင့်ရှောက်ဆိုတဲ့ အဓိပ္ပာယ်ကဗျာ၊ ဥပမာ ရှေ့နေက သူ့အမှုသည်အတွက် မှန်သည်ဖြစ်စေ၊ မှားသည်ဖြစ်စေ၊ အမှုသည်ရဲ့ အကျိုးစီးပွားကို ကာကွယ်စောင့်ရှောက်ရတာမျိုး၊ နောက်တစ်ခုက သက် တော်စောင့်က သူ့အလုပ်ရှင်နဲ့ အသက်အိုးအိမ်ကို ကာကွယ်စောင့်ရှောက်ရတာမျိုး ပါ။ လေးစားလိုက်နာတယ် ဆိုတာက လူပုဂ္ဂိုလ်တစ်ယောက်ကို လေးစားတယ်။ ကြည်ညိုတယ်။ ဒါလောက် ပဲ။ အဲဒီပုဂ္ဂိုလ်ရဲ့ကောင်းမွေ ဆိုးမွေတွေကို ကိုယ်ကဘာမှကာကွယ်စောင့်ရှောက်စရာ မလိုဘူး၊ ကောင်းတာလုပ်လုပ်၊ ဆိုးတာလုပ်လုပ် သူ့ကိစ္စနဲ့ သူ့အကြောင်းပဲ။ အဲဒီလိုကွာခြားတယ်””ဟု စကားရပ်နှစ်ခု၏ အဓိပ္ပာယ် ကွာခြားပုံကို ပြောသည်။

ဆက်လက်၍ ၂ဝဝ၈ ဖွဲ့စည်းပုံ အခြေခံဥပဒေပါ ပြဋ္ဌာန်းချက်တချို့တွင် ရှေ့နောက်ကွဲလွဲချက်များနှင့် ပတ်သက်၍ ပြောကြားရာတွင်““ဖွဲ့စည်းပုံ အခြေခံဥပဒေ စာအုပ်ရဲ့ အခန်း ၁ဝ နိုင်ငံ ရေးပါတီများကိုပါ ခေါင်းစဉ်အောက်မှာ ရေးထားတယ်။ ပုဒ်မ ၄ဝ၅ (၁)မှာ“ကျန်ဖွဲ့ စည်းပုံ အခြေခံဥပဒေနှင့် တည်ဆဲဥပဒေများကို လေး စားလိုက်နာရမည်”ဆိုတာပါတယ်။ နောက် ဇယား ၄၊ ကတိသစ္စာပြုချက်(သို့မဟုတ်) ကျမ်းသစ္စာဆိုချက်ပုံစံမှာ “နိုင်ငံတော် အခြေခံဥပဒေကို ထိန်းသိမ်းကာကွယ်စောင့်ရှောက်ပြီး နိုင်ငံတော်၏ ဥပဒေများကိုလည်း လိုက်နာပါမည်” လို့ ပါပြန်တယ်။ အဲဒီတော့ ဖွဲ့စည်းပုံ အခြေခံဥပဒေ ထဲမှာကိုက ရှေ့နောက်မညီတာတွေရှိတယ်”ဟု ထောက်ပြ ပြောဆိုပါသည်။

နိုင်ငံတော်သမ္မတကြီး ဦးသိန်းစိန်နှင့် NLD ဥက္ကဋ္ဌ ဒေါ်အောင်ဆန်းစုကြည်တို့သည် နေပြည်တော်၌ သီးသန့် တွေ့ဆုံခဲ့ကြပြီး ယုံကြည်မှုတည်ဆောက်သော အခြေအနေနှင့် နှစ်ဦးနှစ်ဖက် ပြေလည်နိုင်မည့် နည်းလမ်းတို့နှင့် ပတ်သက်၍ ဦးကျော်အောင်က ပြောကြားရာတွင် ““ဒေါ်အောင်ဆန်းစုကြည်နဲ့ သမ္မတကြီး ယုံကြည်မှုတည် ဆောက်ထားတာရှိတယ်။ ဒီအငြင်းပွားနေမှုကိုလည်း နှစ်ဦးနှစ်ဖက်က အဆုံးသတ်လိုဟန်ရှိတယ်။ ဒါဆို နည်း လမ်းကဘာလဲ။ ဒီ““ကာကွယ်စောင့်ရှောက်ပါမည်””ဆို တဲ့ စကားရပ်ကို NLD ခေါင်းဆောင်ပိုင်းက မကြိုက်ဘူး။ ပြင်ပေးဖို့လည်း တောင်းဆိုထားသလို သမ္မတဘက်က ပြင်ပေးလိုဟန်ရှိပေမယ့် အခုအချိန်အထိတော့ ဒါကြီးက ဆက်ရှိနေတုန်းပဲ။ ဒီလိုရှိနေတာဟာ ဖွဲ့စည်းပုံ အခြေခံဥပဒေမှာ အားနည်းချက်ရှိနေပြီဆိုတာ ဖော်ပြနေတာပဲလေ။ တိုင်းပြည်အတွက်လည်း မကောင်းသလို အစိုးရအတွက်လည်း မကောင်းဘူး။ ရေရှည်ဖြစ်လာမယ့် ပြဿနာတွေ အတွက် အစိုးရဘက်က ဖြေလျှော့ပေးသင့်တယ်။ NLD အတွက် လုပ်သာကိုင်သာရှိတဲ့ အခင်းကျင်းမျိုး သမ္မတကြီးဘက် က ဖန်တီးပေးရမယ်။ ဒါမှ နှစ်ဖက်စလုံးအတွက် လမ်းကြောင်းကောင်းကောင်း လျှောက်နိုင်မယ်””ဟု သူ၏ အမြင်ကို မြန်မာအင်ဒီပဲန်ဒင့် သို့ ပြောကြားသွားပါသည်။

ဦးကျော်အောင်သည် ဇော်ဇော်အောင်(ရွှေပြည်တန်) ကလောင်အမည်ဖြင့် စာရေးဆရာတစ်ဦးဖြစ်ပြီး၊ စာရေးသက် ၁၅ နှစ်ကျော်ပြီ ဖြစ်သည်။ ထို့အပြင် ၇၄ ခုနှစ်၊  ဦးသန့်အရေးခင်းတွင် ခေါင်းဆောင်ခဲ့သည့် ကျောင်းသားခေါင်းဆောင် တစ်ဦးလည်းဖြစ်သည်။ ထိုအရေးအခင်းအပြီး ၁၉၇၅ တွင် ထောင် ၉ နှစ် ကျခံခဲ့ရပြီး၊ အကျဉ်းထောင်ထဲတွင် ၅ နှစ် နေခဲ့ရသည်။ ၁၉၈ဝ တွင် လွတ်မြောက်လာပြီး နိုင်ငံရေးကို တစိုက်တမတ်မတ်လုပ်ဆောင်ခဲ့သူ ဖြစ်သည်။ ၁၉၉၁ တွင် တစ်ကြိမ်၊ ၂ဝဝ၅ ခုနှစ်တွင် တစ်ကြိမ် ထပ်မံဖမ်းဆီးထိန်းသိမ်းခြင်းခံခဲ့ရပြီး၊ လအနည်းငယ်အတွင်း ပြန်လည်လွတ် မြောက်လာခဲ့သည်။ ယခုအချိန်တွင် နိုင်/ကျဉ်းအဖွဲ့၌ ဘဏ္ဍာရေးတာဝန်ခံအဖြစ် လည်းကောင်း၊ သတင်းစာဆရာကြီး ဦးဝင်းတင် ထူထောင်ထားသည့် နိုင်ငံရေး အကျဉ်းသားများ၏ မိသားစုဝင်များအား ကူညီထောက်ပံ့ရေး ဖောင်ဒေးရှင်းတွင် (Co auditor) တစ်ယောက်ဖြစ်ကြောင်း သိရသည်။

နိုင်/ကျဉ်းအဖွဲ့သည် အပတ်စဉ် တနင်္ဂနွေနေ့တိုင်း တော်ဝင်နှင်းဆီး၌ နေ့လယ် ၁ နာရီမှ ညနေ ၃ နာရီအထိ ပုံမှန် ဆွေးနွေးပွဲများ ကျင်းပလျက်ရှိကြောင်း သိရသည်။ အဆိုပါအဖွဲ့တွင် ဦးမြင့်အောင် (ဥပဒေအကြံ ပေး)၊ ကိုကျော်ထွေး (ဘဏ္ဍာရေးနှင့် နိုင်/ကျဉ်း မိသားစုများ ကူညီထောက်ပံ့ ရေး)၊ ကိုထွန်းကြည် (စည်း ရုံးရေး)၊ ကိုအောင်ထွန်း (အဖွဲ့ဝင်)၊ ကိုဗမျိုးသိန်း (လုပ်ငန်းဖော်ဆောင်ရေး)၊ မယုယုလွင် (လုပ်ငန်းဖော် ဆောင်ရေးနှင့် ကူညီထောက် ပံ့ရေး)နှင့် ကိုကျော်အောင် (ဘဏ္ဍာရေး)တို့ ပါဝင်ကြ သည်။

အဆိုပါအဖွဲ့တွင် ကော်မတီ ၄ ခုပါဝင်ပြီး (၁) စည်း ရုံးရေး၊ (၂) သတင်းနှင့် ပြန်ကြားရေး၊ (၃) လုပ်ငန်း ဖော်ဆောင်ရေးနှင့် (၄) ဘဏ္ဍာရေးတို့ဖြစ်ပြီး၊ ကော်မတီတစ်ခုလျှင် အဖွဲ့ဝင် ၅ ဦးဖြင့် ဖွဲ့စည်းထားသည်။ အပတ်စဉ် လူအင်အား ၂ဝ ဖြင့် တနင်္ဂနွေနေ့တိုင်း နိုင်/ကျဉ်း မိသားစုဝင်များ၏ နေအိမ်များ သို့ သွားရောက်၍ ငွေကြေး၊ စားသောက်စရာနှင့် အဝတ်အထည်များကို တတ်နိုင်သလောက်ကူညီပြီး စိတ်ပိုင်းဆိုင်ရာလိုအပ်ချက်များကို အားဖြည့်ပံ့ပိုးလျက်ရှိကြောင်း၊ လုပ်ငန်းဖော်ဆောင်ရေးတာဝန်ခံ ကိုဗမျိုးသိန်းက မြန်မာအင်ဒီပဲန်ဒင့် သို့ ပြောကြားခဲ့သည်။

 

MIJ 006

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Comments are closed.