ခေါင်းကြီးသတင်း — မြိတ်-ကော့သောင်း၊ ဒီဇင်ဘာ ၂၂-၂၄၊ ၂ဝ၁၂

ဒီဇင်ဘာ ၂၂ ရက်မှ ၂၄ ရက် အတွင်း တနင်္သာရီတိုင်းဒေသကြီး မြိတ်နှင့် ကော့သောင်းမြို့များသို့ ခရီးထွက်ခွာ ခဲ့သော အမျိုးသားဒီမိုကရေစီ အဖွဲ့ချုပ် ဥက္ကဋ္ဌဒေါ်အောင်ဆန်းစုကြည် က ယင်းအနေဖြင့် ပြည်သူလူထုအား  မညာလို သဖြင့်လည်းကောင်း၊ နိုင်ငံ့ အကျိုးအတွက် မိမိတို့ လုပ်လိုသည် များကို လုပ်နိုင်ရန်လည်းကောင်း အာ ဏာ လိုချင်ပါကြောင်း ရှင်းလင်းပြောကြားခဲ့သည်။

ဒေါ်အောင်ဆန်းစုကြည်က နိုင်ငံ ရေးအာဏာနှင့် ပတ်သက်သည့် သူ၏ သဘောထားကို ရှင်းပြရာတွင် “ကြားဖြတ် ရွေးကောက်ပွဲပြီးတဲ့အခါမှာ  သတင်းထောက်တွေ နဲ့တွေ့ရင် အထူး သဖြင့် နိုင်ငံခြားက သတင်းထောက် တွေ က ပြောတယ်။ ၂ဝ၁၅ -၂ဝ၂ဝ လောက်ကျရင် သမ္မတဖြစ်ချင်လား တဲ့ ကျွန်မကိုမေး တယ်။ ကျွန်မက ဖြစ်ချင်တယ် လို့ ပြောတယ်။ ဖြစ်မှ ကိုယ်လုပ်ချင်တာလုပ်လို့ရမှာလို့။ ဒီ နိုင်ငံရေးအာဏာရမှ၊ အစိုးရအာဏာ ရမှ ကျွန်မတို့ လုပ်ချင်တဲ့ ကိစ္စတွေကို နိုင်ငံအတွက် လုပ်ပေးနိုင်မှာမို့လို့ လိုချင်တယ် လို့ပြောတာ။ ကျွန်မတို့ ရှင်းရှင်းလင်းလင်းပြောပါ့မယ်။ ပြည် သူလူထုအတွက် လုပ်ကိုင်ဖို့ အာဏာ ကို လိုချင်ပါတယ်လို့ ပြောပါရစေ။ ဒါကြောင့် အခုကတည်းက ပြောထား မယ်နော်။ ကျွန်မတို့က ပြည်သူလူထုကို လှည့်ဖျားပြီးတော့ ပြည်သူလူထု ကလိုချင်လို့၊ တောင့်တ လို့၊ မျှော်ကိုး လို့၊ ဖိတ်ခေါ်လို့၊ ကျွန်မတို့က ရွေး ကောက်ပွဲ ဝင်ရပါတယ်လို့၊ ကျွန်မတို့ ကနေပြီးတော့ အာဏာရဖို့နေရာကို ကြိုးစားနေတယ်လို့ ကျွန်မတို့ မပြောဘူး။ ကျွန်မတို့ ပြည်သူနဲ့ ဆက်ဆံ တဲ့အခါမှာ ဖြောင့်ဖြောင့်မတ်မတ်ပဲ ဆက်ဆံချင်တယ်။ ကျွန်မတို့ အာဏာ လိုချင်တယ်၊ ဟုတ်တယ်။ အစိုးရ အာဏာ မရဘဲနဲ့ ကိုယ်လုပ်ချင်သလို ဘယ်လိုလုပ် လုပ်နိုင်မှာလဲ။ ပြည်သူ ကောင်းကျိုး အတွက် လုပ်ချင်တယ် ဆိုတာလည်း တကယ်တော့ကိုယ့် ကောင်းကျိုးအတွက်ပဲ။ ကျွန်မလည်း ပြည်သူထဲက တစ်ယောက်ပဲ။ ကျွန်မ ကောင်းကျိုးအတွက် လုပ်တာနဲ့ ပြည်သူကောင်းကျိုးအတွက် လုပ်တာ အတူတူပဲလို့ ကျွန်မကတော့ ဒီလိုပဲမြင် ပါတယ်”ဟု ပြောကြားသည်။ ထို့ပြင် နိုင်ငံရေးလုပ်ခြင်းသည် ကိုယ်ကျိုး အတွက် လုပ်ခြင်းနှင့် ပြည်သူ့အတွက် လုပ်ခြင်းဟု ရှိသဖြင့် ကိုယ်ကျိုးအတွက် လုပ်နေသော နိုင်ငံရေး သမားများကို ထောက်ခံလျှင် တိုင်းပြည် နစ်နာနိုင် ကြောင်းလည်း ပြောခဲ့သည်။

ယင်း၏ အမျိုးသား ဒီမိုကရေစီ အဖွဲ့ချုပ်အနေဖြင့် ရွေးကောက်ပွဲ ဝင် ရောက်ခဲ့သည့်အကြောင်းရင်းကိုလည်း “ရွေးကောက်ပွဲတုန်းက ကျွန်မတို့ အခြေခံအချက် ၃ ချက်ကို အခြေခံပြီး ဝင်ခဲ့တာပါ။ ပထမဆုံးကတော့ တ ရားဥပဒေ စိုးမိုးရေး၊ ဒုတိယကတော့ ပြည်တွင်းငြိမ်းချမ်းရေးနဲ့ တတိယ ကတော့ ဖွဲ့စည်းပုံအခြေခံဥပဒေ ပြင် ဆင်ရေးဖြစ်ပါတယ်။ တချို့က ပြောပါတယ်။ ပြည်တွင်းငြိမ်းချမ်း ရေးဟာ ပိုပြီးတော့ အရေးကြီးတယ်။ ဘာဖြစ်လို့ တရားဥပဒေစိုးမိုးရေးကို နံပါတ်တစ်မှာ ထားရလဲဆိုတော့ ပြည် တွင်းငြိမ်းချမ်းရေးရဖို့က တရားဥပဒေ စိုးမိုးရေးလိုအပ်ပါတယ်။ ကျွန်မတို့ တိုင်းရင်းသားများနေတဲ့ ဒေသတွေမှာ တရားဥပဒေစိုးမိုးရေးနဲ့ ငြိမ်းချမ်းရေး ကိုရအောင် လုပ်ယူရမှာပါ။ ဥပဒေ စိုးမိုးရေးမရှိဘဲနဲ့ ငြိမ်းချမ်းရေးက ရနိုင်မှာမဟုတ်ပါဘူး။ တရားဥပဒေ စိုးမိုးရေးရအောင် လို့ဆိုတာ ပြည်သူ တွေကလည်း ဝင်ပါမှဖြစ်မယ်။ ပြည်သူ တွေကလည်း မျှမျှတတ တရားနှင့် ညီတဲ့ ကိစ္စတွေကို လုပ်ချင်တဲ့စိတ် ရှိရလိမ့်မယ်”ဟု အစချီကာ အခြား နိုင်ငံများ တွင် နိုင်ငံသားများက စနစ် တကျ စည်းကမ်းနှင့်အညီ ကျင့်ကြံ နေထိုင်ကြပုံကို ဥပမာပြောပြသည်။

ထို့နောက် ပြည်သူများ၏ အခန်း ကဏ္ဍနှင့် ပတ်သက်၍လည်း အကျယ် တဝင့် ရှင်းပြခဲ့ရာ “နိုင်ငံတစ်နိုင်ငံ ဆောက်တည်ဖို့ ဆိုတာ ပြည်သူတွေ က မပါဝင်လို့မဖြစ်ပါဘူး။ ကျွန်မတို့ ရဲ့ပြည်သူတွေဟာ နိုင်ငံရေးမှာပါဝင်ဖို့၊ ကိုယ့်ရဲ့နိုင်ငံရဲ့ နိုင်ငံရေးမှာ ပါဝင်ဖို့ ဝန်မလေးကြပါနဲ့။ အဲဒီဟာနဲ့ပတ် သက်လို့ တက်တက်ကြွကြွ ရှိစေချင်ပါတယ်။ ဒီမိုကရေစီနိုင်ငံ တစ်နိုင်ငံ မှာ ပြည်သူတွေရဲ့ အရည်အချင်းဟာ အင်မတန်မှ အရေးကြီးပါတယ်။ ပြည်သူတွေရဲ့အရည်အချင်း မြင့်မား ရင်မြင့်မားသလို အဲဒီနိုင်ငံဟာ တိုး တက်နိုင်ပါတယ်”ဟု ဆိုပါသည်။

ပြည်သူလူထုအနေဖြင့် နိုင်ငံသား ကောင်းဖြစ်ရေးအတွက် ကြိုးပမ်းသင့် ပုံကိုလည်း  အင်မတန်မှ ကမ္ဘာကျော် တဲ့ ဥပဒေပညာရှင်ကြီး တစ်ပါးက ပြောဖူးပါတယ်။ အပြစ်ရှိတဲ့လူ ၉၉ ယောက် လွတ်ရင် လွတ်သွားပါစေ။ ပိုပြီးတော့အရေးကြီးတာက အပြစ် မဲ့တဲ့သူ ၁ ယောက်တောင်မှ ဒဏ်မခံ ရစေဖို့က ပိုအရေးကြီးပါတယ်တဲ့။ ဒီ တော့ ဒီလိုစနစ်မျိုးကျွန်မတို့ နိုင်ငံ မှာ ထူထောင်ချင်ပါတယ်။ ဒီလိုစနစ် မျိုးထူထောင်ဖို့ ပြည်သူမှာလည်း အများကြီးတာဝန်ရှိတယ်ဆိုတာကို ကျွန်မသတိပေးချင်ပါတယ်”ဟု ရှင်း လင်းပြောကြားသည်။

ပြည်သူလူထု၏ ကိုယ်ကျင့်တရားနှင့် ပတ်သက်၍လည်း “ပြည်သူ ပြည်သားတွေရဲ့အကျင့်သီလ တောင့် မှ နိုင်ငံ တစ်နိုင်ငံလုံးဟာ ဂုဏ်ရှိတယ်။ ကျွန်မတို့နိုင်ငံ တကယ်ဂုဏ်ရှိဖို့ဆို တာ ကျွန်မတို့ ပြည်သူပြည်သားတွေ ရဲ့ သီလ၊ သမာဓိ၊ ပညာပေါ်မှာ မူတည်ပါတယ်။ ပြင်ပက လာမယ့် အထောက်အကူတွေပေါ်မှာ မူတည်တာ မဟုတ်ဘူးဆိုတာ ကျွန်မသေ သေချာချာပြောချင်ပါတယ်”ဟု သတိပေးပြောကြားခဲ့သည်။

နိုင်ငံ၏ အပြောင်းအလဲအတွက် ပြည်သူ၏ ပါဝင်နိုင်မှုအကြောင်းကို လည်း ဒေါ်အောင်ဆန်းစုကြည်က   “ဒီနိုင်ငံမှာ အပြောင်းအလဲ ရှိပြီလား၊ မရှိဘူးလား ဆိုတာ ပြည်သူ က ဆုံး ဖြတ်လိမ့်မယ်။ ပြည်သူက ငါတို့ဘဝ တွေ တကယ်ပြောင်းသွားပြီဆိုတာ ခံစားရမှာ အပြောင်းအလဲရှိပြီလို့ ကျွန်မတို့ ယူဆရမှာဖြစ်ပါတယ်။ ဒါပေမယ့် လည်း ကျွန်မက ပြည်သူ ပြည်သားတွေကိုလည်း သတိပေးချင်တယ်။ ကိုယ့်ဘဝတွေမှာ အပြောင်း အလဲ ရှိချင်လို့ရှိရင် ကိုယ်ပါဝင်ပြီးတော့ လှုပ်ရှားရမယ်။ တာဝန်သိတဲ့ စိတ်ရှိရ မယ်”ဟုဆိုပါသည်။

ပြည်သူလူထု များကြားတွင် လည်း အချင်းချင်း အမြင်ဖလှယ်ရန် အရေးကြီးကြောင်း ထပ်လောင်းသ တိပေးခဲ့ရာ “ကျွန်မတို့နိုင်ငံဟာ တိုင်း ရင်းသားလူမျိုးပေါင်းစုံ၊ ဘာသာပေါင်း စုံနဲ့ ဆောက်တည်ထားတဲ့ ပြည် ထောင်စုကြီးဖြစ်တယ်။ အဲဒီလို တိုင်းရင်းသားလူမျိုးပေါင်းစုံ၊ ဘာသာ ပေါင်းစုံဆိုတော့ တကယ်တမ်း ဘာက ကွာခြားတာလဲ ဆိုတော့ အမြင်ချင်း ကွာခြားတာပဲ။ အမြင်ချင်းကွာခြား တာအပေါ်မှာ အခြေခံပြီးတော့ ညီညွတ်မှု ယူမယ်ဆိုလို့ရှိရင် တစ် ယောက်နဲ့ တစ်ယောက် ဆွေးနွေးနိုင် ရမယ်။ တစ်ယောက်နဲ့တစ်ယောက် ညှိနိုင်ရမယ်။ မင်းက ဘယ်လိုမြင်လဲ၊ တို့က ဘယ်လိုမြင်လဲ၊ မင်းမြင်တာနဲ့ တို့မြင်တာ ဘာလို့ကွာလဲ။ ဒီကွာခြား ချက်ပေါ်မှာ တစ်ယောက်နဲ့ တစ်ယောက် မိတ်ဆွေဖြစ်အောင်ဘယ်လို လုပ်မလဲ ဆိုတာကို တစ်ယောက်နဲ့တစ်ယောက် စကားပြောပြီးတော့ ဆွေးနွေးပြီးတော့ မှ ဖြေရှင်းနိုင်မှာဖြစ်တယ်။ အဲဒါ ကြောင့်မို့လို့ ငယ်ငယ်ကတည်းက ကလေးတွေ တစ်ယောက်နဲ့တစ်ယောက်  ဆွေးနွေးတဲ့ အလေ့အကျင့်လေးတွေ ကိုလုပ်ကြပါ။ သူငယ်ချင်းတစ် ယောက်နဲ့ ရန်ဖြစ်လို့ရှိရင် ငါ မှန်တယ်၊ နင် မှားတယ်။ အဲလိုဟာမျိုး မဟုတ်ဘဲနဲ့ ကိုယ်က ဘာဖြစ်လို့ ဒီဟာကို လုပ်ချင်လဲ။ ကိုယ်နဲ့ မတည့် တဲ့သူက ဘာဖြစ်လို့ ဟိုဟာကိုလုပ် ချင်လဲ။ အဲဒါကို  ဆွေးနွေးပြီးတော့ တစ်ယောက်နဲ့ တစ်ယောက် နား လည်မှုရှာနိုင်ရမယ်။ ဒါ ငယ်ငယ်က တည်းကနေပြီးတော့ ပြုစုပျိုးထောင် ရမယ့် အလေ့အကျင့်တွေ ဖြစ်တယ်။ ကျွန်မတို့နိုင်ငံမှာဆိုရင် ဒီလို တစ်ယောက်နဲ့ တစ်ယောက် ဆွေးနွေးပြီး တော့ ညှိနှိုင်းတိုင်ပင်ပြီးတော့ လုပ်တဲ့ အလေ့အကျင့်တွေ ပျောက်ကွယ် သွားတာဟာ ရာစုနှစ် တစ်ဝက်လောက် ရှိသွားပြီ။ အဲဒီတော့ ဒါတွေကို ကျွန်မ တို့ ပြန်ပြီးတော့ ရှင်သန်အောင်လုပ် ရမယ်။ ရှင်သန်အောင် လုပ်ရမယ်ဆို တာ လူကြီးတွေကလည်း ရှင်သန် အောင်လုပ်ရမယ်။ ကလေးတွေကို လည်း အခုကတည်းက နေပြီးတော့ သင်ပေးရမယ်။ အဲဒီလို အခုကတည်း ကသင်ပေးမှ ကျွန်မတို့ရဲ့ ယဉ်ကျေးမှု မှာ ဒီလိုအပေးအယူလုပ်တဲ့ နည်း တွေဟာ အမြစ်တွယ်သွားမှာဖြစ်ပါ တယ်”ဟု ဆိုပါသည်။

ဒေါ်အောင်ဆန်းစုကြည်သည် ပြည်သူများအား အကြံပေးခဲ့ရုံသာ မက ပြည်သူများ၏ ကျေးဇူးကို ယင်း အနေဖြင့် မည်ကဲ့သို့ အသိအမှတ်ပြုခဲ့ ကြောင်းကိုလည်း “ပြည်သူတွေရဲ့ ကျေးဇူးကို ဘယ်တော့မှမမေ့ပါဘူး။ ကျွန်မ အင်းစိန်ထောင်မှာ ဆိုလို့ရှိရင် ထမင်းမစားခင် အမြဲတမ်း အဓိဋ္ဌာန် လုပ်ပါတယ်။ ပြည်သူတွေ ကျွေးတဲ့ ထမင်းကို စားနေ တာကြောင့် မို့လို့ ပြည်သူတွေအတွက် ဒီမိုကရေစီရ တဲ့အထိ ရုန်းကန်ပြီးတော့ လှုပ်ရှားပါ့ မယ်လို့ ကျွန်မ အဓိဋ္ဌာန်ပြုခဲ့ပါတယ်” ဟု ရှင်းပြခဲ့ပါ သည်။ ဒေါ်အောင်ဆန်း စုကြည်သည် အဆိုပါခရီးစဉ်မှ ဒီဇင်ဘာ ၂၄ ရက်တွင် ရန်ကုန်မြို့သို့ ပြန် လည်ရောက်ရှိခဲ့သည်။

ဝ၃၆

ဆက်စပ်သတင်းများ

လေဆိပ်ရောက်တိုင်း ဂုဏ်ယူနေပါ

လေဆိပ်ရောက်တိုင်း ဂုဏ်ယူနေပါ

ရန်ကုန်၊ ဇန်နဝါရီ ၃၁၊ ၂၀၁၇
ဒုတိယမြောက် လုပ်ကြံခံရခြင်း

ဒုတိယမြောက် လုပ်ကြံခံရခြင်း

ရန်ကုန်၊ ဇန်နဝါရီ ၃၀၊ ၂၀၁၇

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*