ဆောင်းပါး — မတ် ၁၄၊ ၂ဝ၁၃

ဘဒ္ဒေ …  အဘယ်နှမ၊ ကျီး နှင့် ခင်ပုတ်တို့သည်၊ ဆိတ်ကွယ်ရာ အရပ်၌၊ တိုင်ပင်ဆွေးနွေးကြရာ၏။

အချင်းချင်းချစ်ခင်ရာ၏။ ထို အခါ ၊ ငါတို့့ ပေါင်းဖော်ခြင်းဖြစ် မည်လား  မသိပါ။(အဌက နိပါတ်)

တရားဥပဒေစိုးမိုးသည့် လူ့အသိုင်းအဝိုင်းကို ထူထောင်ရန်နှင့် လူ့အခွင့်အရေးကို လေးစားလိုက်နာရန် များစွာ အရေးကြီးကြောင်း၊ ဥပဒေ များကို ခေတ်နှင့်လျော် ညီအောင်ပြုပြင် ရေးဆွဲသင့်ကြောင်း၊ လွတ်လပ်၍ သန့်ရှင်းစင်ကြယ်ပြီး တရားဥပဒေ စိုးမိုးသည့် ဒီမိုကရက်တစ် အသိုက် အဝန်း ထူထောင်ရန် ကြိုးပမ်းကြရ မည်ဖြစ်ကြောင်း ဒေါ်အောင်ဆန်း စုကြည် က ပြောဆိုခဲ့သော  နံနက်တစ်ခင်းဖြစ် ပါသည်။

ပြည်ထောင်စုရှေ့နေချုပ် ဒေါက်တာ ထွန်းရှင်က ပူးပေါင်းဆောင်ရွက်မှု၏ သမိုင်းတွင်မည့် ပထမဆုံးဆွေးနွေး ပွဲ ဖြစ်ကြောင်း ပြောဆိုခဲ့သော နံနက်တစ်ခင်း ဖြစ်ပါသည်။ ဥရောပ သမဂ္ဂမှ အဖွဲ့ခေါင်းဆောင် သံအမတ်ကြီး  က မြန်မာနိုင်ငံ ၏ သမိုင်းဝင် ပြောင်းလဲမှုကို အသိ အမှတ်ပြုပါကြောင်းနှင့်တရား ဥပဒေ စိုးမိုးရေးနှင့် လူ့အခွင့်အရေး တို့သည် ကမ္ဘာ့နိယာမများပင် ဖြစ်ကြောင်း ပြောဆိုခဲ့သော နံနက်တစ်ခင်း ဖြစ်ပါသည်။

ဥရောပသမဂ္ဂ နှင့် ပြည်ထောင်စု ရှေ့နေချုပ်ရုံးတို့ ပူးပေါင်း၍ ပြုလုပ်သည့် ပထမဆုံး အဆင့်မြင့် ဆွေးနွေးပွဲ ကို နေပြည်တော်ရှိ သင်္ဂဟဟိုတယ်၊ ၂ဝ၁၃ ခုနှစ်၊ ဖေဖော်ဝါရီ ၉ ရက် နေ့၏ စိမ်းလန်းသော နံနက်ခင်းတစ်ခု တွင် ကျင်းပပြုလုပ်ခဲ့ခြင်းဖြစ်သည်။

 (တရားဥပဒေစိုးမိုးရေး မျှော်လင့်ချက်များနှင့် အလားအလာ များ) ခေါင်းစဉ်ဖြင့် ပြည်ပ ဥပဒေ ပညာရှင် ပါမောက္ခများ က ဆွေးနွေးခြင်း၊ တက်ရောက်လာသည့် တရားဥပဒေ စိုးမိုးရေးဆိုင်ရာဌာန အဖွဲ့အစည်းများ က ပြန်လှန်မေးမြန်းခြင်း၊ ဖြေကြား ခြင်းစသည်တို့ကိုပြန်၍ ဖောက်သည် ချရန် ရည်ရွယ်ရင်း မဟုတ်ပါ။ အလုံး စုံပြန်ပြောနိုင်အောင်လည်း မှတ်ဥာဏ် မကောင်းခဲ့ပါ။

အေးစိမ့်နေသော ခန်းမဆောင် အတွင်း မေးလိုက်ကြ၊ ဖြေလိုက်ကြ၊ ဝေဖန်လိုက်ကြ၊ ဆွေးနွေးလိုက်ကြနှင့် စိမ်းလန်းသော နံနက်ခင်းမှသည် နွမ်း လျအိမ်ပြန်ညနေချမ်း အထိ ပြောဆို ခဲ့သော စကားများကို ကျွန်တော်က မည်သို့ မှတ်သားနိုင်ပါမည်နည်း။

တစ်ခုတော့ရှိသည်။

တရားဥပဒေ စိုးမိုးရေးဟူ၍ စတင်လိုက်သည်နှင့် တရားရုံးများ အပေါ် မျက်စောင်းတခဲခဲ၊ နှုတ်ခမ်း တမဲ့မဲ့၊ ဆီသုတ်ထားသော စကား လုံးများဖြင့် ချိုးချိုးဖဲ့ဖဲ့၊ ပစ်ပစ်ခါခါ၊ ဝေဖန်နှိပ်ကွပ်ရန် တာစူနေကြသော  မဟာပညာကျော်တို့၏ မင်္ဂလာစည် ဗျောသံများကို မကြားရမနာရခြင်း အတွက်တော့ဖြင့် စိမ်းလန်း၍ လှပသော နံနက်ခင်းလေး နာကျင်ညှိုးနွမ်း သွားမည်ကို စိုးရိမ်သောကဖြစ်ဖို့ မလိုခဲ့ပါချေ။

သို့သော် ကျီးကို ဘုတ်မြှောက် ဘုတ်ကို ကျီးမြှောက် ဆိုသည်မျိုးတော့ဖြင့် မဟုတ်။  ဝေဖန်ကြ ဆွေးနွေးကြ ဆိုမှတော့ဖြင့် ပကတိ အခြေအနေ တစ်ရပ်အပေါ် အားနည်းချက်၊ ချို့ယွင်းချက်၊ ပြုပြင်ရန်ဖြည့်ဆည်းရန် အချက်များ အကြံပြုချက်များကို ပိုမို ကောင်းမွန်စေချင်သော စိတ်စေတနာ အခံဖြင့် ဝေဖန်ထောက်ပြခြင်းများ ရှိခဲ့ပါသည်။ သို့သော် ကျီးကို ဘုတ် ရိုသေ ဘုတ်ကို ကျီးရိုသေဆိုသော အနေအထားမျိုးတော့ဖြင့် မပွန်းမပဲ့ရှိ သည်။

အုပ်ချုပ်ရေး၏ အစိတ်အပိုင်း ဖြစ်ခဲ့ရမှု၊ လွတ်လပ်စွာ တရားစီရင်မှု၊ တရားရုံး တစ်ရုံး၏ ဥပဓိရုပ်မပီပြင်မှု၊ အပြန်အလှန် ထိန်းကျောင်းမှု၊ တရား၍ မျှတသော ဥပဒေများ ပြဌာန်းနိုင်မှု အစရှိသော အသံတို့ စီစီညံ နေခဲ့သည်။ သို့သော် ကျွန်ုပ်တို့ကမှ  ပိုချစ်ပြီး ကျွန်ုပ်တို့က ပို၍ ကြည်ညိုထိုက်သဖြင့် ကျွန်ုပ်တို့က ကယ်တင် စောင့်ရှောက်မည် ဆိုသော ကိုယ်ရည်သွေး တီးလုံးသံမျိုး မကြားရ မနာရခြင်းက ကိုပဲ တော်တော် “နားချမ်းသာ” စရာ ကောင်းနေ သည်။ နှလုံးသည်းပွတ်ကို ကြည်စင် လန်းဆန်းစေသည်။

သည်မှာ ဂျူးလီးယက်စ်ဆီဇာမရှိ၊ ဘရူးတပ်စ် မရှိ၊ နောက်ကျောကို ဓားနှင့် ထိုးစိုက်မည့် သူမရှိ။ မီးရှူး မီးပန်း ပစ်ဖောက်သူ မရှိ။ မိမိသာလျှင် တစ်သက်လုံး အပြစ်ကင်းစင်သူ သူတော်ကောင်းကြီး ဖြစ်ကြောင်း ဝင့်ဝင့်ဝါဝါ ကြေညာမည့်သူမရှိ။

နွေးထွေးသော နံနက်တစ်ခင်း၌ အပြန်အလှန်လေးစားမှုမှတစ်ပါး အခြားဘာမျှမရှိ။

မတူညီတဲ့ သဘောထားအမြင်တွေ ရှိကြမှာ ဖြစ်သော်လည်း တိုင်းပြည်ရဲ့ အကျိုးစီးပွားအတွက် တူညီတဲ့ကိစ္စ တွေမှာ ပူးပေါင်းပါဝင် ဆောင်ရွက်ကြမယ်။ (နိုင်ငံတော်သမ္မတကြီး၊ ၃ဝ-၃-၂ဝ၁၁ မိန့်ခွန်း)

ဒီဖွဲ့စည်းပုံအခြေခံဥပဒေအရ ထွက်ပေါ်လာပြီဖြစ်တဲ့ အစိုးရရှိနေ ပါတယ်။ အပြန်အလှန်ထိန်းကျောင်း ရေးမဏ္ဍိုင်ဖြစ်တဲ့ လွှတ်တော်အရပ်ရပ် ရှိနေပါပြီ။ သီးခြားတည်ရှိနေတဲ့ တရားစီရင်ရေးမဏ္ဍိုင်ရှိနေပါပြီ။ စတုတ္ထမဏ္ဍိုင်ဖြစ်တဲ့  မီဒီယာတွေ ပိုမိုဖွံ့ဖြိုးလာနေပြီဖြစ်ပါတယ်။ (နိုင်ငံတော်သမ္မတကြီး၊၂၂-၈-၂ဝ၁၁ မိန့်ခွန်း)

ကျွန်တော်တို့တိုင်းရင်းသား တွေခံစားနေကြရတဲ့ ခါးသီးတဲ့ဒဏ် ရာတွေ၊ စူးနစ်တဲ့ အတွေ့အကြုံတွေ၊ ပျောက်ဆုံး နေတဲ့ အိပ်မက်တွေ ကျွန်တော်တို့ အားလုံး ဖြည့်ဆည်းပေးဖို့ တာဝန်ရှိပါတယ်။ (နိုင်ငံတော် သမ္မတ ကြီး၊ ၁-၃-၂ဝ၁၂ မိန့်ခွန်း)

ဖိတ်ကြားထားသူများပါ ရေတွက်မည်ဆိုလျှင် Seminar တက်ရောက်လာသူ ၂ဝဝ ဝန်းကျင်ခန့် ရှိမည် ထင်သည်။

လေအေးစက်တပ်ခန်းမနှင့် သင့်လျော်မည် ထင်၍ အနက်ရင့်ရောင် အနွေးထည် ဝတ်ဆင်လာသူတို့ရှိသည်။ တချို့ကလည်း သူတို့၏ အပေါ်ခြုံလွှာ ဝတ်စုံကပင်လျှင် နက်ရှိုင်းတည်ငြိမ် သည့် အနက်ရင့်ရင့်အရောင်။ “ဒီလို အနက်ရောင် အပေါ်ဖုံး အင်္ကျီကို တရားဝင် ဝတ်ခွင့်ရဖို့ ကျွန်မတို့ ဘယ်လောက် ရုန်းခဲ့ရတယ် မှတ်သလဲ” ဆိုသော မိတ်ဆွေ အမျိုးသမီး ရှေ့နေတစ်ဦးက ပြောခဲ့ဖူးလေသည်။

နံနက် ၁ဝး၃ဝ နာရီသည် Coffee Break ဖြစ်သည်။ နွေးထွေးသော မျက်ဝန်းတစ်စုံသည် ရွှေကျီးညိုတို့ အုပ်ဖွဲ့နေသော အရပ်သို့ ပျံဝဲသွားသည်။ နံ့သာလိမ်းကျံ ပန်းစိမ်းပန်နေလိမ့်မည်ဟူ၍  ထင်ခဲ့ရသော်လည်း ပျူငှာနွေးထွေးသော အပြုံးတစ်ပွင့်၌ ရုတ်ချည်းပင် နူးညံ့ပျော့ပြောင်း သွားကြသည်ကို တွေ့ရသည်။

မတူညီသော အရပ်တို့က လာကြသည်။ မတူညီသော ရှင်သန်ဖြတ်သန်းမှု တို့ရှိခဲ့သည်။ မတူညီသော အတွေ့ အကြုံနှင့် မတူညီသောသင်ခန်း စာများရှိသည်။ မတူသော အမြင်တို့လည်း ရှိမည်သေချာသည်။ သို့သော် တစ်စုံတစ်ရာကောင်းမွန်စေလိုသော စေတနာဆန္ဒ တူညီကြမည်ဆိုလျှင် နွေးထွေး သောဆုံမှတ်တို့ တစ်ခုသော အရပ်၌ အသေအချာ ရှိရပေချိမ့်မည်။

အပြန်အလှန်လေးစားစွာငြင်းခုံဆွေး နွေးမှုသည်သာ ဆုံမှတ်သို့သွားသည့် ယာဉ်ရထားဖြစ်သည်။

နံနက်တစ်ခင်းသည် အေးစက် သော်လည်း တင်းမာမနေခဲ့ချေ။ နှင်းပွင့်တို့သည် ထိုနံနက်ခင်း၌ ပျောင်း အိညံ့သက်၍ နေကြသည်။ ပန်းများ ပွင့်ခဲ့ပြီ။ ရန်သူမှမဟုတ်ဘဲကွယ်။

Lunch တစ်ကြိမ် Coffee Break နှစ်ကြိမ်။ မတ်ရပ်စားပွဲရှည်ကလေး တွေ တစ်ခုစီတစ်ခုစီမှာ  ရွှေကျီးညိုမ တို့သည်  အုပ်ဖွဲ့နေနား စကားတွတ် ထိုးနေခဲ့ရာမှ ရုတ်တရက် တိုးတိတ် သွားကြသည်။ အသွေးအရောင်အမွေး အတောင်တူသူတို့ချည်း သီးခြားမတည် ရှိနိုင်တော့ချေ။ အနက်ရင့်ရင့်တွေကြား  ပန်းသွေးရင့်ရောင် သံမဏိလိပ်ပြာ က ခေါက်တုံ့ လူးလာ ပျံဝဲနေချေပြီ။  အပြန် အပြန် အပြန်လားကွဲ့၊ အသွားအသွား အသွားပါလို့။ ပန်းရည်ဘဏ်တိုက် တစ်ခုလုံး မွှေးမြစီးဆင်းသွားခဲ့ပြီ။ စကားတွေ အလုအယက် ပြောနေ သည်။ အပြုံးတွေ ကူးလူးပြိုးပြက် နေသည်။ ကင်မရာမီးရောင်တွေ တဖျပ်ဖျပ် လက်နေသည်။

မငိုရဘူး၊ မရယ်ရဘူး၊ မပြုံးရ ဘူး၊ နှုတ်မဆက်ရဘူး။ ဖြူစင်သော စိတ်ခံစားမှုကို ဆီးတားပိတ်ဆို့မှု ဟူသမျှတို့သည် လည်း ပန်းကြာဖက် က ရေလို လျောခနဲလွင့်စဉ်သွားခဲ့ပြီ။

ထိုနံနက်ခင်း၌ နှင်းများအရည် ပျော်ခဲ့သည်။ နွေးထွေးသော အပြုံး ပွင့်တို့ စီးဆင်းခဲ့သည်။ နှင်းပွင့်မှုန် မှုန်လေးများသည် နံနက်တစ်ခင်း လုံးကို သိမ်းကြုံးပွေ့ပိုက်၍ မွှေးမြ လန်းဆန်းစေတော့ကာ ကမ္ဘာမြေသည် လှပဆဲဖြစ်ကြောင်း  သက်သေထူ လိုက်ခြင်းပဲဖြစ်သည်။

 

ဝ၉၉

ဆက်စပ်သတင်းများ

လေဆိပ်ရောက်တိုင်း ဂုဏ်ယူနေပါ

လေဆိပ်ရောက်တိုင်း ဂုဏ်ယူနေပါ

ရန်ကုန်၊ ဇန်နဝါရီ ၃၁၊ ၂၀၁၇
ပွင့်သောပန်းတို့ လန်းစေဖို့

ပွင့်သောပန်းတို့ လန်းစေဖို့

ရန်ကုန်၊ ဒီဇင်ဘာ ၈၊ ၂၀၁၆

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*