စာအုပ်သုံးသပ်ချက် — ဇန်နဝါရီ ၃၁၊ ၂ဝ၁၃

BookReview_38

ဆရာနေဝင်းမြင့်၏ မန်းဘခိုင် နှင့် ဖဆပလစာအုပ်ကို ဥဒယကျေး ရွာစာပေမှ ပထမအကြိမ်ထုတ်ဝေ လိုက်သည်။ ကျဆုံးသွားခဲ့သော အမျိုးသားခေါင်းဆောင်ကြီး များတွင် အပါအဝင်ဖြစ်သည့် ကရင်အမျိုးသားခေါင်းဆောင် မန်းဘခိုင် အကြောင်းကို သမိုင်းမှတ်တမ်းများ နှင့်ရက်ယှယ်ကာ ဝတ္ထုသဖွယ်ရေး သားထားသည့် အတ္ထုပ္ပတ္တိလည်းဖြစ်သည်။

ဟင်္သာတခရိုင်၊ ယုန်သလင်း ရွာသားမန်းဘခိုင်၊ မည်မျှပင်ငွေကြေးရပါစေ အမျိုးသားတို့အား နှုတ်ဖြင့်ပင် စော်ကားခြင်းကို ခွင့်မပြုဘဲ ရဲရင့်စွာ ကန့်ကွက်တတ်သော ကုမ္ပဏီဝန်ထမ်း မန်းဘခိုင်၊ ငှက်ပျော ခြံလုပ်ငန်း၊ အလယ်တန်း ကျောင်းအုပ် ဘဝများဖြင့် မန်းဘခိုင်၊ ပုသိမ် မြောက်ပိုင်းနယ်မှ မင်းတိုင်ပင်အမတ် မန်းဘခိုင်၊ ဖက်ဆစ်တော် လှန်ရေး ခေါင်းဆောင် တစ်ဦးဖြစ်ခဲ့သော မန်း ဘခိုင်၊ ဖဆပလ အမှုဆောင်လူကြီး၊ ကရင် လူငယ်များ အစည်းအရုံး ခေါင်းဆောင်မန်းဘခိုင်၊ ဖဆပလအစိုးရ၏ စက်မှုလက်မှုနှင့် အလုပ်သမားဌာန ဝန်ကြီး မန်းဘခိုင် စသည်ဖြင့် ကရင် အမျိုးသားခေါင်းဆောင်ကြီး မန်းဘခိုင်၏ ဘဝမှတ်တမ်းများကို စာအုပ် စာတမ်းပေါင်းများစွာ၊ လူတွေ့မေး မြန်းချက်များစွာတို့မှ ခိုင်မာသော မှတ်တမ်းများဖြင့် ရသမြောက်မှတ်တမ်း တင်ထားခြင်းလည်းဖြစ်သည်။

စာအုပ်ကို မန်းဘခိုင်မှ သမီး ကြီးဖြစ်သူ နမ့်ခင်ရီခိုင်ထံပေးစာများ အသွင် ရေးသားတင်ပြထားသည်။ သို့သော် သာမန်မိသားစုတွင်း ပေးစာများ အသွင် မဟုတ်ဘဲ စပ်ဆိုင်ရာ နေရာများတွင် သမိုင်းမှတ်တမ်းများ၊ ပုံရိပ်များ၊ ကိုးကားချက်များကိုလည်း ထည့်သွင်းရေးသားထားသည်။ မိသားစုဆိုင်ရာအခန်းများကို များစွာ ဖော်မပြဘဲ အတိုချုံ့ ထားသော်လည်း မန်းဘခိုင်၏ နိုင်ငံရေးလှုပ်ရှားမှုများ ကို အဓိကဇောင်းပေး တင်ဆက်ထားသည်။

ဒုတိယကမ္ဘာစစ် မဖြစ်မီ ၁၉၃၇ ကတည်းက ဘုရင်ခံ၏ အတိုင်ပင်ခံ အမတ်အဖြစ် စတင်တာဝန်ထမ်းဆောင် ခဲ့ပြီး မြန်မာ့လွတ်လပ်ရေး သမိုင်းစဉ်တွင် ဆက်တိုက်ပါဝင် လှုပ်ရှားလာခဲ့သူတစ်ဦး၏ နိုင်ငံရေး လှုပ်ရှား ဆောင်ရွက် ခဲ့မှုများကို မှတ်တမ်းရှည်ကြီးတစ်ခုသဖွယ်လေ့လာ မိစေသည်။ မျိုးချစ်စိတ်၊ နိုင်ငံချစ်စိတ် ထက်သန်ပြီး ရိုးသားရဲရင့်သော ကရင်အမျိုးသား ခေါင်းဆောင်တစ်ဦး၏ ပုံရိပ်ကိုလည်း မြင်ကွင်းကျယ် နိုင်ငံရေး နောက်ခံကားချပ်ထဲမှ အချက်တစ်ချက်တွင် တောက်ပ ထင်ရှားလာသည်ကိုလည်း တွေ့ရသည်။ ပုဂ္ဂိုလ်ရေး ဆိုင်ရာ စိတ်ခံစားချက် အချို့၊ အယူအဆတို့လည်း တစ်ခါ တစ်ရံမြင်သာထင်သာစေခဲ့သည်။ ဖဆပလ စက်မှုလက်မှုနှင့် အလုပ်သမား ဝန်ကြီးတစ်ဦးဖြစ်သူ၏ ပြည်တွင်းဖြစ် ပစ္စည်းများ၊ စက်မှုလက်မှု နည်းနာများနှင့် ပတ်သက်သော အတွေးအမြင် တို့ကိုလည်း လေ့လာခဲ့ရသည်။

စာအုပ်မှာ မန်းဘခိုင်ကျင်လည် လှုပ်ရှားခဲ့ရသော နိုင်ငံရေးဝန်းကျင်နှင့် ဖဆပလအဖွဲ့၏ လှုပ်ရှားမှုတို့ကို အဓိက ဦးစားပေးခဲ့ကြောင်း စာရေးသူ၏ အမှာစာတွင် ဆိုထားသည်။ သို့သော်မြန်မာ့လွတ်လပ်ရေး သမိုင်းမှတ်တမ်း တစ်ခုဖြစ်သည့် အားလျော်စွာ မြန်မာ့လွတ်လပ်ရေး အမျိုးသားခေါင်းဆောင် ဦးအောင်ဆန်း၏ ပုံရိပ်များက များစွာ ထူးကဲ ထင်ရှားနေခဲ့သည်။ ဖဆပလအဖွဲ့ ကြီးနှင့်စပ်ဆိုင်ရာနေရာများတွင် လည်း ဦးအောင်ဆန်း၏ မိန့်ခွန်းများ စွာကို ထည့်သွင်းကိုးကားထား သည်။ ဦးအောင်ဆန်းကိုယ်တိုင်က ဖဆပလအဖွဲ့ကြီး၏ ဒုတိယဥက္ကဋ္ဌ နေရာထိ တာဝန်ပေးအပ်ရန် ယုံကြည် လေးစားအားထားခြင်းခံရသဖြင့် မန်းဘခိုင်၏ ရိုးသား တည်ကြည်မှု၊ ဖြောင့်မတ် မှန်ကန်ရဲရင့်သော သဘောထားတို့မှာ အတုယူဖွယ် လည်းဖြစ်သည်။ အမျိုးအမည် စုံလင်သော အယူဝါဒ၊ ဂိုဏ်းဂဏများအကြား တွင် မည်သည့် အဖွဲ့ဘက်မျှ မလိုက်၊ လွတ်လပ်ရေး တစ်ခုတည်းသာ ရည်စူး၍ ဖြောင့်မတ်ခဲ့သော ကရင် တိုင်းရင်းသားခေါင်းဆောင် တစ်ဦးအဖြစ်လည်း လေးစားရသည်။

မန်းဘခိုင်နှင့် ဦးအောင်ဆန်းတို့ နှစ်ဦးတည်းသာ ဖြတ်သန်းခဲ့ရသည့် သမိုင်းမှတ်တမ်း အချို့အရလည်း ဦးအောင်ဆန်း၏ ပင်ကိုယ်စိတ်ရင်း သဘာဝကို လည်း နှစ်သက်ကြည်ညို ဖွယ်သိရစေသည်။ ဘုရင်ခံ၏ အမှု ဆောင်ကောင်စီ ဖဆပလအစိုးရ လက်ထက်နိုင်ငံရေး အရေးအခင်းများ စွာ ဖြေရှင်းကြိုးစားရပုံ များကိုလည်း စိတ်ဝင်စားဖွယ်လေ့လာရသည်။ အထူးစိတ်ဝင်စားဖွယ် ကဏ္ဍတစ်ခုမှာ မန်းဘခိုင်ကိုယ်တိုင်ပြန်ကြားဖြေရှင်း ရသည့် အိန္ဒိယနိုင်ငံ(ထိုစဉ်က)နှင့် ဆက်စပ် သည့် လူဝင်မှုကြီးကြပ်ရေး ဥပဒေကိစ္စဖြစ်သည်။ လတ်တလော ရင်ဆိုင်နေခဲ့ကြရသည့် လူမျိုးရေး၊ နယ်နိမိတ်ပြဿနာများနှင့် ပတ် သက်သည့် စောစောပိုင်းသမိုင်းအစ တစ်ခုအဖြစ် လေ့လာနိုင်သည်လည်း ဖြစ်သည်။ ကိုလိုနီနိုင်ငံတစ်ခု၏ အဓိကကျသော ပြဿနာအဖြစ် တင်ထွဋ်ဘနားဂျီးစာချုပ်အကြောင်း သိရှိနိုင်သည်။ ၁၉၄၇ ဖွဲ့စည်းပုံ အခြေခံဥပဒေနှင့် ပတ်သက်၍ ဦးအောင်ဆန်းတင်သွင်းသော အခြေခံ မူများကို ထောက်ခံသည့် မန်းဘခိုင် ၏ “ဗမာပြည်ရဲ့လွတ်လပ်ရေးကို ကျွန်တော်တို့ဟာ ဘယ်တော့မျှလွတ် အောင်မလုပ်ဘူးဆိုတာ ကျွန်တော် အစီရင်ခံပြီးပါပြီ။ အဲသည်တော့ ကျွန်တော်ဘာပြောရမလဲ။ အတင်း နသား ပါးယားစရာမလိုပါဘူး။ ငိုချင်ရက် လက်တို့ပါပဲ” ဟူသည့် နာမည်ကျော် ရိုးသားရဲရင့်သည့် စကား ကိုလည်း ကြည်နူးဖွယ်ခံစားမိစေ သည်။

စာအုပ်တွင် သမိုင်းဝင်ဓာတ်ပုံ များ၊ စာရွက်စာတမ်းများ၊ လက်ရေး မူများ၊ သတင်းမှတ်စုများကိုလည်း တင်ပြထားသည်။ စာရေးသူမှာ ဤ စာအုပ်အတွက် မန်းဘခိုင်၏သား ဖြစ်သူ ဦးမန်းချစ်ဌေးခိုင်ထံမှအစပြု ကာ နှစ်ပေါင်းများစွာ ထုံ့ပိုင်းထုံ့ပိုင်း ကြိုးစားပြုစုခဲ့ရကြောင်းသိရသည်။ အတ္ထုပ္ပတ္တိဟန်ပြုစုထားသော စာအုပ် ဖြစ်၍ ရသပိုင်းဆိုင်ရာ အတက်အ ကျများ နည်းပါးနေသော်လည်း ၁၉၃ဝ ဝန်းကျင်မှ ၁၉၄၇ ထိ ၁၇ နှစ်ကြာ မြန်မာ့ နိုင်ငံရေး၊ လွတ်လပ်ရေး နောက်ခံ ကားချပ်ကိုမူ ပေါ်လွင် ထင်ရှားစွာ ထုဆစ်ပြနိုင်ခဲ့သည်။ အထူးသဖြင့် မည်သည့် အယူဝါဒဘက်မျှ မယိမ်းယိုင်ဘဲ ဖြောင့်မတ်စွာ သုံးသပ်နိုင်ခဲ့သည့် ရိုးသားသော ခေါင်းဆောင် တစ်ဦး၏ လွတ်လပ်ရေး မြင်ကွင်း ဖြစ်သည်။

မည်သို့ဆိုစေ အတ္ထုပ္ပတ္တိဟန် ရသစာပေနှစ်သက်သူတို့၊ နိုင်ငံရေး လေ့လာသူတို့နှင့် စာပေဝါသနာရှင် တို့၏ စာအုပ်စင်တွင် ရှိထိုက်သော စာအုပ်ကောင်း တစ်အုပ် လည်းဖြစ်သည်။ ဆရာနေဝင်းမြင့်၏ ရေးသားဟန် အသစ်တစ်ခုဟုလည်း ဆိုချင် သည်။ ရိုးသားရဲရင့်သော အမျိုးသား ခေါင်းဆောင်များ၏ ကြည်ညို အားကျဖွယ် လွတ်လပ်ရေးဖြတ်သန်းမှု သမိုင်းတစ်ကွက်လည်း ဖြစ်သည်။

“ဖအေက ဝန်ကြီးဖြစ်တာနဲ့ မအေက တောမှာ လယ်နဲ့ချောင်းနဲ့ ငှက်ပျောခြံနဲ့ နေနိုင်တာနဲ့ပဲ မင်းက ဘာမှ မလုပ်ချင်လို့ ဘယ်ရမလဲ။ ငါ ဝန်ကြီးဖြစ်နေတာ မင်းတို့အတွက် ဘာအခွင့်အရေးမှ ရလာမှာမဟုတ် ဘူး။ ငါက နိုင်ငံရေးလုပ်နေတာ။ တိုင်းပြည် အတွက် လုပ်နေတာ” (စာ-၂၃)

ဝဏ္ဏလင်း

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*