ပြည်တွင်းသတင်း — မတ် ၂ဝ၊ ၂ဝ၁၃

ကမ္ဘာကျော် Google အင်တာနက် ကုမ္ပဏီ၏  အမှုဆောင်ဥက္ကဋ္ဌဖြစ်သူ Eric Schmidt သည် လာမည့် သီ တင်းပတ် အတွင်း မြန်မာနိုင်ငံသို့ လာရောက်မည်ဖြစ်သည်။ ဆယ်စုနှစ်များ နှင့်ချီ၍ ကြာမြင့်ခဲ့သော စစ်အာဏာရှင် အုပ်ချုပ်ရေး စနစ် ရုပ်သိမ်း ခဲ့ပြီးနောက် အနောက်နိုင်ငံတို့၏ စီးပွားရေး ပိတ်ဆို့ အရေးယူမှုများ ဖြေလျော့ ပေးလာသည်နှင့် အညီ ပြုပြင်ပြောင်းလဲ မှုများ ဆောင်ရွက်ပေးနေပြီဖြစ်သော မြန်မာနိုင်ငံသို့ ပထဆုံး ရောက်ရှိ လာသည့် အဆင့်မြင့် နည်းပညာ ကုမ္ပဏီ တစ်ရပ်မှ ဥက္ကဋ္ဌ အဖြစ်လည်း မှတ်တမ်း ဝင်မည်ဖြစ်သည်။

မြန်မာနိုင်ငံသည် အာရှိဒေသ အတွင်း ဈေးကွက်သစ်မြောက်များစွာ ကျန်ရှိနေသေးသော နောက်ဆုံး ဈေးကွက် တစ်ခုဖြစ်သည်။ လူဦးရေသန်း ၆ဝ ခန့်ရှိသော မြန်မာနိုင်ငံတွင် လက် ကိုင်ဖုန်း ကိုင်ဆောင်နိုင်သည့် လူအရေ အတွက်မှာ ၅ ရာခိုင်နှုန်းမှ ၁ဝ ရာ ခိုင်နှုန်းအတွင်းသာရှိမည်ဟု ခန့်မှန်း ရသည်။

မြန်မာနိုင်ငံ၏ ဆက်သွယ်ရေး အခြေခံအဆောက်အအုံများ ခေတ်မီ တိုးတက်ရေး စီမံကိန်းများနှင့် တစ်ဟုန်တိုး မြင့်တက်လာမည်ဟု ခန့်မှန်း ရသော လက်ကိုင်ဖုန်း သုံးစွဲမှုတို့က Google ကဲ့သို့သော နည်းပညာ ကုမ္ပဏီကြီး များ ဝင်ရောက်လာစေရန် လမ်းခင်းပေး သကဲ့သို့ ရှိသည်။ Google ၏ Android စနစ်သုံး တန်ဖိုးနည်း စမတ်ဖုန်း (Smart Phones) များက မြန်မာနိုင်ငံဈေးကွက်တွင် အကျိုးအမြတ် များစွာ ဖန်တီးပေးနိုင်မည်ဖြစ် သည်။

အမှုဆောင်ဥက္ကဋ္ဌ Eric Schmidt သည် အာရှနိုင်ငံများသို့ သွားရောက် မည်ဖြစ်ကြောင်း၊ ဒေသခံတွင်း လုပ်ငန်း တွဲဘက်လုပ်ကိုင်မည့် သူများနှင့် ဆက်သွယ်ရန်နှင့် Google ကို အသုံးပြု၍ ဒေသတွင်း ပြည်သူသန်းပေါင်း များစွာ တို့၏ ဘဝများ တိုးတက်စေရန် ဆောင်ရွက်နေကြသော သူတို့ကို  အင်တာနက် အွန်လိုင်းရရှိစေရန်နှင့် ကမ္ဘာ့ သတင်းအချက်အလက်များကို လာမည့်  နှစ်အနည်းငယ်အတွင်း ပထမဆုံး အကြိမ် သုံးစွဲခွင့်ရရှိစေရန် ရည်ရွယ်သည့် ခရီးစဉ်ဖြစ်ကြောင်း၊ Google က ထုတ်ပြန်သော ကြေညာ ချက်တွင် ဖော်ပြပါရှိခဲ့သည်။ Eric Schmidt သည် အိန္ဒိယနိုင်ငံသို့လည်း သွားရောက်မည် ဖြစ်သည်။

နယ်စည်းမခြား သတင်းထောက်များ အဖွဲ့ (Reporters without Borders RWB) က ၂ဝ၁၂ ခုနှစ် အတွင်း ထုတ်ပြန်ခဲ့သည့် အင်တာနက် လွတ်လပ်ခွင့် အနည်းဆုံး တိုင်းပြည်များ ဖြစ်သည့် နိုင်ငံ ၁ဝ နိုင်ငံ စာရင်းတွင် မြန်မာနိုင်ငံ သည်လည် မြောက်ကိုရီးယား၊ အီရန်၊ ဆီးရီးယား အစရှိသော နိုင်ငံများနှင့်အတူ ပါဝင် ခဲ့သည်။ ယခုသီတင်းပတ် အတွင်း ထုတ်ပြန်သော စာရင်းတွင်မူ နိုင်ငံ ၅ နိုင်ငံသာ ကျန်ရှိပြီး မြန်မာနိုင်ငံ ပါဝင်ခြင်း မရှိခဲ့ချေ။

Eric Schmidt သည် ဇန်နဝါရီ လအတွင်းကလည်း ကိုယ်ရေးခရီးစဉ် တစ်ရပ်အဖြစ် မြောက်ကိုရီးယားနိုင်ငံ သို့ သွားရောက်ခဲ့သေးသည်ဖြစ်ရာ မြန်မာနိုင်ငံ ခရီးစဉ်သည် တစ်ချိန်က အင်တာနက် ရန်သူတော်ဖြစ်ခဲ့သော နိုင်ငံများသို့ တစ်နှစ်အတွင်း Eric Schmidt သွားရောက်သည့် ဒုတိယ မြောက်နိုင်ငံဖြစ်လာမည်ဖြစ်သည်။

Eric Schmidt သည် မတ် ၂၂ ရက်တွင် ရန်ကုန်မြို့ရှိ Myanmar Information and Communication Technology တွင် မိန့်ခွန်းတစ်ရပ် ပြောကြားမည်ဖြစ်ပြီး ထို့နောက် တွင် မြန်မာနိုင်ငံမြို့တော် နေပြည် တော်သို့ သွားရောက်ကာ အကြီးတန်း အစိုးရအရာရှိကြီးများနှင့် တွေ့ဆုံမည် ဖြစ်ကြောင်း မြန်မာနိုင်ငံ ကွန်ပျူတာ အသင်းမှ အထွေထွေအတွင်းရေးမှူး ဦးဇော်မင်းဦးက ပြောကြားခဲ့သည်။

စီးပွားရေးလုပ်ငန်းရှင်များ ကွန်ပျူတာအသင်း အမှုဆောင် ကော်မတီ ဝင်များနှင့် လူငယ်ခေါင်းဆောင်များ အပါအဝင် အခမ်းအနား တက်ရောက် သူ ၄ဝဝ ခန့်ရှိမည်ဖြစ်ကြောင်းလည်း ဦးဇော်မင်းဦးက ပြောကြားခဲ့သည်။

Eric Schmidt သည် MICT Park တွင် ၁ နာရီကြာမျှ စကားပြော ကြားမည်ဖြစ်ပြီး အင်တာနက်သုံးစွဲ မှု၏ အရေးပါပုံနှင့် မြန်မာနိုင်ငံအနေ ဖြင့် ပြည်သူများ အင်တာနက်သုံးစွဲ ခြင်းအပေါ် ကန့်သတ်ချုပ်ချယ်ခြင်း ကို အဘယ့်ကြောင့် ရပ်ဆိုင်းသင့် ကြောင်းစသည်တို့ကို အကျယ်တဝံ့ ရှင်းလင်းပြောကြားမည်ဖြစ်သည်။

မြန်မာနိုင်ငံသည် စစ်အုပ်ချုပ်ရေး ကာလအတွင်း ကမ္ဘာ့နိုင်ငံများနှင့် အင်တာနက်မှတစ်ဆင့် ဆက်သွယ် ခြင်းမပြုရန် ကန့်သတ်ချုပ်ချယ်ခံထား  ခဲ့ရသော်လည်း ပြုပြင်ပြောင်းလဲမှုများ စတင်ဆောင်ရွက်လာချိန်တွင် ပြည်သူ လူထုမှာ အင်တာနက်သုံးစွဲခွင့်ကို ပို၍ ရရှိလာကြပြီဖြစ်သည်။

မြန်မာနိုင်ငံ ကွန်ပျူတာပညာရှင်များ အသင်းမှ ဦးသောင်းစုငြိမ်းက Google သည် ကမ္ဘာ့အကြီးဆုံး IT ကုမ္ပဏီကြီးများအနက်မှ တစ်ခုဖြစ်ရာ မြန်မာနိုင်ငံသို့ Google  ဥက္ကဋ္ဌဖြစ်သူ လာရောက် လည်ပတ်သည့် အတွက် မိမိတို့ အနေဖြင့် ဝမ်းမြောက် ဂုဏ်ယူမိကြောင်း ပြောကြားသွားခဲ့သည်။

ဝ၃၉

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*